କେନ୍ଦ୍ରାପଡ଼ା : ଜିଲ୍ଲାର ଗୋବରଗାଡ଼ିଆ ଠାରେ ବ୍ରାହ୍ମଣୀ ନଦୀକୁ ଗାଧୋଇବାକୁ ଯାଇ ନିଖୋଜ ଦୁଇ ଛାତ୍ର ମଧ୍ୟରୁ ଜଣଙ୍କୁ ମୃତ ଅବସ୍ଥାରେ ଉଦ୍ଧାର କରାଯାଇଛି । ମୃତ ଛାତ୍ର ଜଣକ ହେଉଛନ୍ତି ସୌମ୍ୟ ରଞ୍ଜନ ଦାସ । ନବମ ଶ୍ରେଣୀ ଛାତ୍ର ସ୍ମୃତି ରଞ୍ଜନ ଦାସଙ୍କୁ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।
ବ୍ରାହ୍ମଣୀ ନଦୀରେ ନିଖୋଜ ଦୁଇ ନାବାଳକଙ୍କ ମଧ୍ୟରୁ ଜଣକର ମୃତ୍ୟୁ
ଉଭୟ ଦୋଳ ପୂର୍ଣ୍ଣିମା ଘଟ ବିସର୍ଜନ କରି ସାରି ଗାଧୋଇବା ପାଇଁ ପାଣି ଭିତରକୁ ଯାଇଥିବାବେଳେ ଅଘଟଣ ଘଟିଥିବା ଜଣାପଡିଛି । ଏହି ଦୁଇ ଜଣ ନିଜ ଅଜାଣତରେ ଗଭୀର ପାଣିକୁ ଚାଲି ଯାଇଥିଲେ । ତେବେ ସୌମ୍ୟ ରଞ୍ଜନ ଓ ସ୍ମୃତି ରଞ୍ଜନଙ୍କୁ ଗଭୀର ପାଣିରୁ ଉଦ୍ଧାର କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ ତାଙ୍କର ଦୁଇ ବନ୍ଧୁ ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
