କେନ୍ଦ୍ରାପଡା: ସ୍ବପ୍ନ ଚୁନା । ଅବାକ ପରିବାର । କାନ୍ଦି କାନ୍ଦି ମାଟିରେ ଲୋଟି ପଡୁଛି ମାଆ । କଥା କହିଲା ବେଳେ ବାପାଙ୍କର କଣ୍ଠରୋଧ ହୋଇ ଯାଉଛି । ଧୈର୍ଯ୍ୟର ପାହାଡ କୁହାଯାଉଥିବା ବାପା ଆଜି ଧୈର୍ଯ୍ୟହରା । ଓମାନରେ କେନ୍ଦ୍ରାପଡାର ଜଣେ ଯୁବରଙ୍କର ସନ୍ଦେହଜନକ ମୃତ୍ୟୁ ଖବର ପାଇ ପରିବାର ଦୁଃଖରେ ଭାଙ୍ଗି ପଡିଛି । ପୁଅର ମୃତଦେହ ଓମାନରୁ ଫେରାଇ ଆଣିବାକୁ ଆକୁଳ ନିବେଦନ କରିଛନ୍ତି ପରିବାର ।
ସୂଚନା ଅନୁସାରେ, କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ବଡ଼ପାଳ ଗାଁର ପ୍ରଭାତ ପ୍ରଧାନ । ନିଜ ରାଜ୍ୟରେ କାମ ନ ପାଇ ବାହାର ଦେଶକୁ କାମ କରିବାକୁ ଯାଇଥିଲା । ପରିବାର ଲୋକ ପେଟ ପାଇଁ ଜମି ବିକି ପୁଅକୁ ଓମାନ ପଠାଇଥିଲେ । କାମ କରି ପରିବାର ପ୍ରତିପୋଷଣର ସ୍ବପ୍ନ ନେଇ ଓମାନ ଯାଇଥିବା ପ୍ରଭାତଙ୍କର ମୃତ୍ୟୁ ହୋଇଥିବା ଖବର ଆସିଛି । ସେଠାରେ ସେ ପ୍ଲମ୍ବିଂ କାମ କରୁଥିଲେ । ବିଦ୍ୟୁତ୍ ଆଘାତରେ ତାଙ୍କର ମୃତ୍ୟୁ ହୋଇଥିବା ପରିବାର ଲୋକଙ୍କୁ ଖବର ମିଳିଛି । ରୋଜଗାରିଆ ପୁଅକୁ ହରାଇ ପରିବାର ଲୋକ ଦୁଃଖରେ ଭାଙ୍ଗି ପଡିଛନ୍ତି । ବାପା ମାଆ ନିଜକୁ ସମ୍ଭାଳି ପାରୁ ନାହାନ୍ତି ।
କାନ୍ଦିକାନ୍ଦି ଲୋଟି ପଡୁଛି ମାଆ । ପ୍ରତି ମୁହୂର୍ତ୍ତରେ ପୁଅକୁ ଝୁରି ହେଉଛନ୍ତି ପରିବାରକୁ । ପୁଅ ପ୍ରଭାତର ଫଟୋକୁ ଦେଖି ବାହୁନି ବାହୁନି କାନ୍ଦୁଛି ମାଆ । ପ୍ରଭାତରେ ତୁ ଫେରିଆ ଡାକରେ ବୁକୁ ଫଟାଇ କାନ୍ଦୁଛି ଜନ୍ମଦାତ୍ରୀ । ଦେଢ଼ ବର୍ଷ ତଳେ ପ୍ରଭାତଙ୍କ ବାପା ପ୍ରେମାନନ୍ଦ ପ୍ରଧାନ ଜମି ବିକି ପୁଅକୁ ସୁଦୂର କତାରକୁ ପଠାଇଥିଲେ । ସେଠାରେ ପ୍ଲମ୍ବିଂ କାମ କରୁଥିଲେ । ଦୁଇ ପଇସା ଘରକୁ ପଠାଉଥିଲେ । ଗତ ସୋମବାର ଓମାନରୁ ଏକ ଫୋନ ଆସିଲା ଯେ ତୁମ ପୁଅ ପ୍ରଭାତ ଆଉ ନାହିଁ । ଏହି ଖବର ପାଇ ପରିବାର ଉପରେ ଆକାଶ ଛିଡି ପଡିଛି ।
ଏହା ବି ପଢନ୍ତୁ...ମହିଳାଙ୍କ ସନ୍ଦେହଜନକ ମୃତ୍ୟୁ, ସ୍ବାମୀକୁ ଅଟକ ରଖିଛି ପୋଲିସ
ଏହା ବି ପଢନ୍ତୁ...ସମ୍ବଲପୁରରେ ଗୁଳିମାଡ: ପୂର୍ବତନ ସ୍ତ୍ରୀର ପ୍ରେମିକକୁ ଗୁଳି କରି ସ୍ବାମୀ ଫେରାର୍
ପ୍ରଭାତଙ୍କର କିପରି ମୃତ୍ୟୁ ହେଲେ ସେ ନେଇ କୌଣସି ସଠିକ ସୂଚନା ନାହିଁ । ପୁଅକୁ ହରାଇ ଆବାକ ହୋଇଥିବା ପରିବାର ଏବେ ଚିନ୍ତାରେ । ଦୁଇ ଦିନ ହେଲାଣି ଘରେ ରନ୍ଧାବଢା ବନ୍ଦ। ପୁଅର ଶେଷ ଦର୍ଶନ କରିବାକୁ ବ୍ୟାକୁଳ ବାପାମାଆ । ଗଣମାଧ୍ୟମ ଜରିଆରେ ଓମାନରୁ ପୁଅର ମୃତଦେହ ଫେରାଇ ଆଣିବାକୁ ନିବେଦନ କରିଛନ୍ତି ପ୍ରଭାତଙ୍କ ବାପାମାଆ ।
ଇଟିଭି ଭାରତ, କେନ୍ଦ୍ରାପଡା
