କେନ୍ଦ୍ରାପଡ଼ା: କେନ୍ଦ୍ରାପଡ଼ା ରାଜନଗର ବ୍ଲକ ମହୁଲିଆ ପଞ୍ଚାୟତ ଝାରପଡା ଗାଁର କୈଳାସ ଜେନାଙ୍କ ସ୍ତ୍ରୀ ଜାନକୀ ଆଜି(ଗୁରୁବାର) ଅପରାହ୍ନରେ ଖାଇସାରି ବାସନ ଧୋଇବାକୁ ଘର ପଛରେ ଥିବା ବ୍ରାହ୍ମଣୀ ନଦୀକୁ ଯାଇଥିବା ବେଳେ କୁମ୍ଭୀର ଟାଣି ନେଇଥିଲା । ତେବେ ଦୀର୍ଘ ଦୁଇଘଣ୍ଟା ସ୍ଥାନୀୟ ଲୋକେ ଖୋଜାଖୋଜି କରିବା ପରେ ଜାନକୀଙ୍କର ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର କରାଯାଇଛି ।
ଚାନ୍ଦି ବାଉଁଶମୂଳ ଦକ୍ଷିଣ ଭେଡାର ଈଶ୍ବର ଗୋପାଳଙ୍କ ଘର ପଛପଟେ ବୋହିଯାଇଥିବା ବ୍ରାହ୍ମଣୀ ନଦୀରୁ ଉଦ୍ଧାର କରାଯାଇଛି ତାଙ୍କ ମୃତଦେହ । ଏହି ଏକ ବର୍ଷ ମଧ୍ୟରେ କୁମ୍ଭୀର ଆକ୍ରମଣରେ ଏହା ଚତୁର୍ଥ ମୃତ୍ୟୁ ହୋଇଥିବା ବେଳେ ଏଥିପ୍ରତି ବନବିଭାଗ କର୍ତ୍ତୃପକ୍ଷଙ୍କ ନିଘା ନଥିବାରୁ ତିବ୍ର ଜନ ଅସନ୍ତୋଷ ସୃଷ୍ଟି କରିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
