କେନ୍ଦ୍ରାପଡ଼ା: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ସୋମବାର ଠାରୁ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଶୁକ୍ରବାର ଏହା ଶେଷ ହୋଇଛି । ଶେଷ ଦିନରେ କେନ୍ଦ୍ରାପଡ଼ା ଜିଲ୍ଲାର ସମସ୍ତ ପଞ୍ଚାୟତ, ବ୍ଲକ ଓ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପାର୍ଥୀ ମାନଙ୍କର ବେଶ୍ ଭିଡ଼ ଜମି ଥିଲା । ୱାର୍ଡ ମେମ୍ବରଠୁ ନେଇ ସରପଞ୍ଚ ସମିତି ଓ ଜିଲ୍ଲା ପରିଷଦ ପଦାବୀ ପାଇଁ ହଜାରହଜାର ପାର୍ଥୀ ନାମାଙ୍କନ ଦାଖଲ କରିଛନ୍ତି ।
ପ୍ରାର୍ଥୀମାନେ ନିଜ ନିଜର ସମର୍ଥକଙ୍କୁ ନେଇ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ଗତକାଲି କେନ୍ଦ୍ରାପଡ଼ା ଜିଲ୍ଲାରୁ ଜିଲ୍ଲା ପରିଷଦ ପ୍ରାର୍ଥୀ ଭାବେ ସର୍ବାଧିକ ୮୯ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ଶେଷ ଦିନରେ ଜିଲ୍ଲାର ୯ଟି ବ୍ଳକରୁ ରେକର୍ଡ ସଂଖ୍ୟକ ୨୪୪୧ ଜଣ ୱାର୍ଡମେମ୍ବର, ୪୬୧ ଜଣ ସରପଞ୍ଚ,୩୬୮ଜଣ ସମିତିସଭ୍ୟ ସେମାନଙ୍କ ପ୍ରାର୍ଥୀପତ୍ର ଦାଖଲ କରିଥିବା ନେଇ ଜିଲ୍ଲା ପଞ୍ଚାୟତ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ସୋମବାରରୁ ଆରମ୍ଭ ହୋଇଥିବା ପଞ୍ଚାୟତ ନିର୍ବାଚନର ପ୍ରଥମ ପର୍ବ ନାମାଙ୍କନ ପତ୍ର ଦାଖଲ ଶୁକ୍ରବାର ଶେଷ ହୋଇଥିବା ବେଳେ ଜିଲ୍ଲାରେ ଥିବା ମୋଟ ୩୬୯୮ ୱାର୍ଡମେମ୍ବର ଆସନ ପାଇଁ ୮୧୬୬ଜଣ, ୨୪ ୯ ସରପଞ୍ଚ ଆସନ ପାଇଁ ୧୨୮୫ଜଣ, ୨୪୯ଟି ସମିତିସଭ୍ୟ ଆସନ ପାଇଁ ୯୯୪ଜଣ ଓ ୩୨ଟି ଜିଲ୍ଲା ପରିଷଦ ଜୋନ ଆସନ ପାଇଁ ମୋଟ ୧୪୨ଜଣ ପ୍ରାର୍ଥୀ ସେମାନଙ୍କ ନାମାଙ୍କନ ପତ୍ର ଦାଖଲ କରିଛନ୍ତି । ଏଥର ପ୍ରାର୍ଥୀମାନଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ ବୋଲି ଆଲୋଚନା ହେଉଛି ।
ସୋମବାର ଠାରୁ ଶୁକ୍ରବାର ମଧ୍ୟରେ ହୋଇଥିବା ନାମାଙ୍କନ ପତ୍ର ଦାଖଲ...
-ସୋମବାର: ୬୮୪ ୱାର୍ଡସଭ୍ୟ, ୮୩ସରପଞ୍ଚ, ୩୯ସମିତିସଭ୍ୟ, ୪ଜିଲ୍ଲା ପରିଷଦ ସଭ୍ୟ
-ମଙ୍ଗଳବାର: ୬୭୯ୱାର୍ଡସଭ୍ୟ, ୭୭ ସରପଞ୍ଚ, ୩୫ସମିତିସଭ୍ୟ, ୧ଜିଲ୍ଲା ପରିଷଦ
-ବୁଧବାର: ୨୪୫୪ୱାର୍ଡସଭ୍ୟ, ୩୮୨ ସରପଞ୍ଚ, ୩୧୦ସମିତିସଭ୍ୟ, ୧୯ଜଣ ଜିଲ୍ଲା ପରିଷଦ
-ଗୁରୁବାର: ୧୯୦୮ୱାର୍ଡସଭ୍ୟ, ୨୮୨ସରପଞ୍ଚ, ୨୪୨ସମିତିସଭ୍ୟ, ୨୯ଜଣ ଜିଲ୍ଲା ପରିଷଦ
-ଶୁକ୍ରବାର ସର୍ବାଧିକ: ୨୪୪୧ୱାର୍ଡସଭ୍ୟ, ୪୬୧ ସରପଞ୍ଚ, ୩୬୮ସମିତିସଭ୍ୟ ଓ ୮୯ଜଣ ଜିଲ୍ଲା ପରିଷଦ ସଭ୍ୟ
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
