କେନ୍ଦ୍ରାପଡ଼ା: ଦିନ ଦ୍ବିପ୍ରହରରେ ଗ୍ରୋସରୀ ଦୋକାନରୁ ଲୁଟ । କେନ୍ଦ୍ରାପଡା ଜିଲ୍ଲା ନିକିରାଇ ଥାନା ଅନ୍ତର୍ଗତ ଇନ୍ଦୁପୁର ବଜାରର ଏକ ଗ୍ରୋସରୀ ଦୋକାନରୁ ଦୁର୍ବୃତ୍ତ ଏଭଳି କାଣ୍ଡ ଭିଆଇଛନ୍ତି । ବୁଧବାର ଦିନ ପ୍ରାୟ 11 ଟା ବେଳେ ଦୁଇ ଜଣ ଦୁର୍ବୃତ୍ତ ଜିନିଷ କିଣିବା ବାହାନାରେ ଦୋକାନକୁ ଆସି 1 ଲକ୍ଷ 7 ହଜାର ଟଙ୍କ ଲୁଟି ନେଇ ଚମ୍ପଟ ମାରିଛନ୍ତି । ତେବେ ଲୁଟର ସମସ୍ତ ଦୃଶ୍ୟ ଦୋକନରେ ଲାଗିଥିବା ସିସିଟିଭିରେ କଏଦ ହୋଇଛି । ଏନେଇ ଦୋକାନୀ ମାଲିକ ପ୍ରଭାକର ପରିଡା ନିକିରାଇ ଥାନାରେ ଅଭିଯୋଗ କରିବା ପରେ ପୋଲିସ ଲୁଟେରାଙ୍କୁ ଧରିବାକୁ ଖୋଳତାଡ ଆରମ୍ଭ କରିଛି ।
ସୂଚନାଯୋଗ୍ୟ, ଆଜି ଦିନ ପ୍ରାୟ 11 ଟାରେ ବେଳେ ଦୁଇଜଣ ବ୍ୟକ୍ତି ଇନ୍ଦିପୁର ବଜାରରେ ସ୍ଥିତ ସଞ୍ଜୀବ ଟ୍ରେଡରରୁ କିଛି ଜିନିଷ କିଣିବା ପାଇଁ ଆସିଥିଲେ । ଜିନିଷ ନେବା ପରେ ଦୋକାନ ମାଲିକଙ୍କୁ ଖୁଚୁରା ମାଗିଥିଲେ । ଦୋକାନୀ ପ୍ରଭାକର କ୍ୟାସ ବାକ୍ସରୁ ଖୁଚୁରା କାଢିଲା ବେଳେ ଦୁର୍ବୃତ୍ତମାନେ ଟଙ୍କା ବିଡା ଉଠାଇ ନେଇ ଆଖି ପିଛୁଳାକେ ଛୁ ହୋଇଯାଥିଲେ । ଯାହାର ସମସ୍ତ ଦୃଶ୍ୟ ଦୋକାନ ସିସିଟିଭିରେ କଏଦ ହୋଇଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
