କେନ୍ଦ୍ରାପଡ଼ା: ମହାକାଳପଡା ଥାନା ବିଜୟନଗର ଗାଁରେ ଜଣେ ବୃଦ୍ଧଙ୍କ ସନ୍ଦେହଜନକ ମୃତ୍ୟୁ ଘଟିଛି । ଏହି ଗ୍ରାମର ବେଣୁଧର ସାହୁଙ୍କ ମୃତଦେହ ସନ୍ଦେହଜନକ ଭାବରେ ଡୋର ସ୍କ୍ରିନକୁ ବେକରେ ଗୁଡାଇ ଫ୍ୟାନରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି ।
ନିଜ ଘରେ ବେଣୁଧର ଫ୍ୟାନରେ ଝୁଲୁଥିବାବେଳେ ଦାଣ୍ଡପଟ ଗ୍ରିଲରେ ତାଲା ପଡିଥିଲା । ତେବେ ଘର ପଛପଟ କବାଟ ଖୋଲା ରହିଥିବା ଦେଖିବାକୁ ମିଳିଛି । ପରିବାରର ଅନ୍ୟ ସଦସ୍ୟମାନେ ଘରେ ନଥିବା ବେଳେ ଏହିପରି ଘଟଣା ଘଟିଛି ।
ଘଟଣାସ୍ଥଳରେ ମହାକାଳପଡା ପୋଲିସ ପହଞ୍ଚି ଏହା ଆତ୍ମହତ୍ୟା ନା ହତ୍ୟା ସେନେଇ ତଦନ୍ତ ଆରମ୍ଭ କରିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
