କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲାରେ ଶେଷ ହୋଇଛି ଚତୁର୍ଥ ପର୍ଯ୍ୟାୟ ମତଦାନ ପ୍ରକ୍ରିୟା । କେନ୍ଦ୍ରାପଡ଼ା ଓ ଗରଦପୁର ବ୍ଲକରେ ମତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କେନ୍ଦ୍ରାପଡ଼ା ବ୍ଲକରେ 78.32 ପ୍ରତିଶତ ମତଦାନ ହୋଇଥିବାବେଳେ ଗରଦପୁର ବ୍ଲକରେ 76.09 ପ୍ରତିଶତ ମତଦାନ ହୋଇଥିବା ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି ।
କେନ୍ଦ୍ରାପଡ଼ା ବ୍ଲକରେ ମୋଟ 1,28,081 ଜଣ ମତଦାତାଙ୍କ ମଧ୍ୟରୁ 1,00,314 ଜଣ ମତଦାନ କରିଛନ୍ତି । ଯେଉଁଥିରେ କି ପୁରୁଷ ଭୋଟରଙ୍କ ସଂଖ୍ୟା ଅଧିକ ରହିଛି। ସେହିପରି ଗରଦପୁର ବ୍ଲକରେ ମୋଟ 93,535ଜଣ ମତଦାତାଙ୍କ ମଧ୍ୟରୁ 71,170ଜଣ ମତଦାନ କରିଛନ୍ତି । ଯେଉଁଥିରେ ମହିଳାଙ୍କ ତୁଳନାରେ ପୁରୁଷ ଭୋଟରଙ୍କ ସଂଖ୍ୟା ଅଧିକ ରହିଛି। ଗତ ପର୍ଯ୍ୟାୟକୁ ଅନୁଧ୍ୟାନ କଲେ ଚଳିତ ପର୍ଯ୍ୟାୟରେ ମହିଳା ଭୋଟରଙ୍କୁ ପୁରୁଷ ଭୋଟର ପଛରେ ପକାଇଥିବା ଦେଖାଯାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
