କେନ୍ଦ୍ରାପଡ଼ା : ନଦୀରେ ଗାଧେଇବା ବେଳେ ଭାସି ଯାଇ ଜଣେ ନାବାଳକର ମୃତ୍ୟୁ ହୋଇଛି । ଜଣକର ଶବ ଉଦ୍ଧାର ହୋଇଥିବା ବେଳେ ଅନ୍ୟ ଜଣେ ନିଖୋଜ ରହିଛି । ଏଭଳି ଏକ ଅଘଟଣ ଘଟିଛି ପାଟକୁରା ଥାନା ଅନ୍ତର୍ଗତ ତେଣ୍ଡାକୁଡା ପଞ୍ଚାୟତର ଚିତ୍ରୋତ୍ପଳା ନଦୀରେ । ମିଶର ଗାଁର ଦୁଇଜଣ ନାବାଳକ ଗାଧୋଉଥିବା ବେଳେ ନଦୀ ସ୍ରୋତରେ ଭାସି ଯାଇଛନ୍ତି ।
ଘଟଣାରୁ ଜଣାଯାଇଛି ଯେ, ମିଶର ଗାଁର ଦୁଇଜଣ ନାବାଳକ ପାଟକୁରା ତେଣ୍ଡାକୁଡା ପଞ୍ଚାୟତର ଚିତ୍ରୋତ୍ପଳା ନଦୀରେ ଗାଧୋଉଥିଲେ । ଏହି ସମୟରେ ନଦୀ ସ୍ରୋତରେ ଦୁଇଜଣ ନାବାଳକ ଭାସି ଯାଇଥିଲେ । ଖବରପାଇ ଗ୍ରାମବାସୀ ନଦୀରେ ଖୋଜା ଖୋଜି କରିବା ସହିତ ପୋଲିସକୁ ଖବର ଦେଇଥିଲେ । କୋରୁଆ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦୁଇଜଣ ନାବାଳକକୁ ନଦୀ ମଧ୍ୟରେ ଖୋଜାଖୋଜି କରିଥିଲେ । ଦୁଇଜଣଙ୍କ ମଧ୍ୟରୁ ସାଇନ ମଲିକକୁ ଉଦ୍ଧାର କରାଯାଇ ସ୍ଥାନୀୟ ନିଶ୍ଚିନ୍ତକୋଇଲି ଡାକ୍ତରଖାନାକୁ ନିଆଯାଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ସାଇନ୍ ମଲିକ୍(୧୩ ବର୍ଷ) ହେଲେ ନିଶ୍ଚିନ୍ତକୋଇଲି ବ୍ଲକ ନରେନ୍ଦ୍ରପୁର ଅସରପଡ଼ା ଗାଁର ବିଶ୍ୱନାଥ ମଲିକଙ୍କ ପୁଅ । ସେପଟେ ନିଖୋଜ ଥିବା ନାବାଳକ ଜଣକ ହେଲେ ମିଶର ଗାଁର ଆଶିଷ କୁମାର ମଲିକଙ୍କ ପୁଅ ଆର୍ଯ୍ୟନ ମଲିକ(୧୧ ବର୍ଷ) ।
ଇଟିଭି ଭାରତ, କେନ୍ଦ୍ରାପଡ଼ା
