କେନ୍ଦ୍ରାପଡ଼ା: ସାଂସ୍କୃତିକ ଗୋଷ୍ଠୀ ପରିଚାଳନା ବ୍ୟବସ୍ଥା (CTMS) ଅନ୍ତର୍ଗତ ସମ୍ଭାବ୍ୟ ଗାୟକ ଓ ବିଭିନ୍ନ ଗୋଷ୍ଠୀର ସାମର୍ଥ୍ୟ ପରୀକ୍ଷା ଶିବିର ଉଦଯାପିତ ହୋଇଯାଇଛି । ତିନିଦିନ ଧରି ସ୍ଥାନୀୟ ଟାଉନ ହଲଠାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏହି କାର୍ଯ୍ୟକ୍ରମରେ ଜିଲ୍ଲାର 422ଟି ଗୋଷ୍ଠୀ(TROUP) କଳାକାର ଅଂଶଗ୍ରହଣ କରିବାକୁ ଆବେଦନ କରିଥିଲେ । ସେମାନଙ୍କ ମଧ୍ୟରୁ ଜିଲ୍ଲା ସଂସ୍କୃତି ବିଭାଗ ତରଫରୁ 63ଟି ଗୋଷ୍ଠୀକୁ ଚୟନ କରାଯାଇ ପ୍ରଥମ ପର୍ଯ୍ୟାୟ ଅଡିସନ ପାଇଁ ଡକାଯାଇଥିଲା । ଶନିବାର ଶେଷ ଦିବସ ସାମର୍ଥ୍ୟ ଚୟନ କାର୍ଯ୍ୟକ୍ରମରେ ପାଲା ଗାୟକ ଦଳଙ୍କ ସମେତ ଓଡିଶୀ ନୃତ୍ୟ,ସମ୍ବଲପୁରୀ ନୃତ୍ୟ, ଭଜନ ଗାୟନ ଦଳ ଓ ମହିଳାଙ୍କ ଦ୍ୱାରା ଭାଗବତ ପଠନ ଦଳ ସାଂସ୍କୃତିକ କଳା ପ୍ରଦର୍ଶନ କରିଥିଲେ । ଜିଲ୍ଲା ସଂସ୍କୃତି ଅଧିକାରୀ ସୋନାଲି ବେହେରାଙ୍କ ପୌରହିତ୍ୟରେ ସାମର୍ଥ୍ୟ ପରୀକ୍ଷା ଶିବିର ଆୟୋଜିତ ହୋଇଥିଲା ।
ଜିଲ୍ଲାର ଅନେକ ସ୍ଥାନରେ କଳା ଓ କଳାକାର ରହିଥିବା ବେଳେ ପ୍ରଚାର ଓ ପ୍ରସାର ଅଭାବ କାରଣରୁ ଅନେକ କଳାକାର ଏହି ସାମର୍ଥ୍ୟ ପରୀକ୍ଷା କାର୍ଯ୍ୟକ୍ରମରେ ଯୋଗଦେଇ ପାରିନଥିବା ଅଭିଯୋଗ ହୋଇଛି। ଏଥିରେ ଅନେକ ଅବବ୍ୟସ୍ଥା ମଧ୍ୟ ଦେଖିବାକୁ ମିଳିଥିଲା । ସ୍ୱଳ୍ପ ସମୟ ମଧ୍ୟରେ କଳା ପଦର୍ଶନ କରିବାକୁ ଅନୁମତି, ପ୍ରଦର୍ଶନ ସମୟରେ ବାରମ୍ବାର ଲାଇନ କାଟ, ଏମିତିକି ପିଇବା ପାଣି ସମସ୍ୟା ଯୋଗୁଁ କଳାକାରମାନେ କ୍ଷୋଭ ପ୍ରକାଶ କରିଥିଲେ।
ଇଟିଭି ଭାରତ, କେନ୍ଦ୍ରାପଡ଼ା
