ମାଛଧରା ଜାଲରେ ପଡିଲା କୁମ୍ଭୀର ଛୁଆ, ଲୋକେ ଆତଙ୍କିତ

କେନ୍ଦ୍ରାପଡା ପଟ୍ଟାମୁଣ୍ଡାଇ ବ୍ଲକ ପେଣ୍ଠପାଳ ପଞ୍ଚାୟତ ବ୍ରାହ୍ମଣୀ ନଦୀରୁ କୁମ୍ଭୀର ଛୁଆ ଉଦ୍ଧାର । ମାଛ ମାରିବା ସମୟରେ ଜାଲରେ ପଡିଥିଲା କୁମ୍ଭୀର ଛୁଆ । ଅଧିକ ପଢନ୍ତୁ

କେନ୍ଦ୍ରାପଡା: ଜିଲ୍ଲାରେ ଥମୁନି କୁମ୍ଭୀର ଆତଙ୍କ । କୁମ୍ଭୀର ପଞ୍ଝାରେ ଯାଉଛି ନିରିହ ଜୀବନ । କୁମ୍ଭୀର ଆକ୍ରମଣରେ ଗତ ତିନି ମାସ ମଧ୍ୟରେ ୫ ଜଣଙ୍କ ଜୀବନ ଯାଇଥିବା ବେଳେ ଏନେଇ ଆତଙ୍କିତ ଅଞ୍ଚଳବାସୀ । ଏହାରି ମଧ୍ୟରେ ମାଛ ମାରିବା ସମୟରେ ଉଦ୍ଧାର ହୋଇଛି କୁମ୍ଭୀର ଛୁଆ । କେନ୍ଦ୍ରାପଡା ପଟ୍ଟାମୁଣ୍ଡାଇ ବ୍ଲକ ପେଣ୍ଠପାଳ ପଞ୍ଚାୟତ ବ୍ରାହ୍ମଣୀ ନଦୀତରୁ କୁମ୍ଭୀର ଛୁଆ ଉଦ୍ଧାର ହୋଇଛି । ମାଛ ମାରିବା ସମୟରେ ଜାଲରେ ପଡିଥିଲା କୁମ୍ଭୀର ଛୁଆ । ଯାହାକୁ ଦେଖି ଲୋକଙ୍କ ମନରେ ଭୟ ବଢି ଯାଇଛି ।

ସୂଚନା ମୁତାବକ, କେନ୍ଦ୍ରାପଡା ପେଣ୍ଠପାଳ ପଞ୍ଚାୟତ ବ୍ରାହ୍ମଣୀ ନଦୀରେ ସ୍ଥାନୀୟ ଅଞ୍ଚଳର ବାସିନ୍ଦା ଚକ୍ରଧର ସେଠି ନାମକ ଜଣେ ମାଛୁଆରୀ ଓ ତାଙ୍କ ସାଥୀମାନେ ବ୍ରାହ୍ମଣୀ ନଦୀରେ ସନ୍ଧ୍ୟା ସମୟରେ ମାଛ ମାରୁଥିଲେ । ସେହି ସମୟରେ ଉକ୍ତ ଜାଲରେ କୁମ୍ଭୀର ଛୁଆ ପଡିଥିଲା । ଏହି କୁମ୍ଭୀର ଥୁଆକୁ ଗ୍ରାମବାସୀ ମାନେ ସୁରକ୍ଷିତ ଭାବେ ଉଦ୍ଧାର କରି ରାଜନଗର ବନ ବିଭାଗକୁ ଖବର ଦେଇଥିଲେ । ଏନେଇ ବନ ବିଭାଗ ପେଣ୍ଠପାଳକୁ ଗ୍ରାମକୁ ଯାଇ କୁମ୍ଭୀର ଛୁଆକୁ ଉଦ୍ଧାର କରିଛି । ତେବେ ମାତ୍ର ଅଢେ଼ଇ ମାସ ବ୍ୟବଧାନରେ ଜିଲ୍ଲାର ୫ଟି ଅମୂଲ୍ୟ ଜୀବନ କୁମ୍ଭୀର ଆକ୍ରମଣରେ ଯାଇଥିବା ବେଳେ ନଦୀ ଉପରେ ନିର୍ଭର କରି ଜୀବନ ଯାପନ କରୁଥିବା ଲୋକେ ଏବେ ଆତଙ୍କିତ।

ପ୍ରକାଶ ଥାଉକି, ଗତ କିଛି ଦିନ ପୂର୍ବେ ଜିଲ୍ଲାର ରାଜନଗର ବ୍ଲକର ରାଜପୁର ପଞ୍ଚାୟତରେ ଜଣେ ବ୍ୟକ୍ତିଙ୍କୁ ଟାଣି ନେଇଥିଲା କୁମ୍ଭୀର । ଶୌଚ ପାଇଁ ଯାଇଥିବା ବେଳେ ମଇଁଷି ଚରାଳିଙ୍କୁ କୁମ୍ଭୀର ଟାଣି ନେଇଥିଲା। ତେବେ ରାଜପୁର ଗାଁର ଭାସ୍କର ମଇଁଷି ଚରାଇବାକୁ ଯାଇଥିବା ବେଳେ ରାଜନଗର ସଂଲଗ୍ନ ବ୍ରାହ୍ମଣୀ ନଦୀକୁ ଶୌଚ ହେବାକୁ ଯାଇଥିଲେ ଅଭୟ ରାଉତ । ଏହି ସମୟରେ କୂଳରେ ଛକି ବସିଥିବା କୁମ୍ଭୀର ତାଙ୍କୁ ଟାଣି ନେଇଥିଲା । ଅଭୟ ଚିତ୍କାର କରିବାରୁ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚିଥିଲେ । ଏହାପରେ ଅଭୟଙ୍କୁ ଖୋଜା ଖୋଜି କରିଥିଲେ । ସେହିପରି ଜୁଲାଇ 28 ତାରିଖରେ ପଟ୍ଟାମୁଣ୍ଡାଇ ବ୍ଳକରେ ଜଣେ ବାବାଙ୍କୁ ଟାଣି ନେଇଥିଲା କୁମ୍ଭୀର । ପେଣ୍ଠପାଳ ପଞ୍ଚାୟତ କୂଳସାହିରେ ଥିବା ବ୍ରାହ୍ମଣୀ ନଦୀ ତୁଠକୁ ଅମୂଲ୍ୟ ଦାସ ଓରଫ ଟିକିଲି ବାବା ଶୌଚ ହେବାକୁ ଯାଇବା ବେଳେ କୁମ୍ଭୀର ହାବୁଡରେ ପଡିଥିଲେ । କୁମ୍ଭୀର ତାଙ୍କୁ ନଦୀ ମଧ୍ୟକୁ ଟାଣି ନେଇଥିଲା । ଖୋଜା ଖୋଜି ପରେ ତାଙ୍କର ମୃତଦେହ ଉଦ୍ଧାର କରାଯାଇଥିଲା ।

ଇଟିଭି ଭାରତ, କେନ୍ଦ୍ରାପଡା