କେନ୍ଦ୍ରାପଡା: ଗଛ ପଡି ଜଣେ ଛାତ୍ରୀର ମୃତ୍ୟୁ ଘଟିଥିବା ବେଳେ ସ୍ଥାନୀୟ ଲୋକେ କେନ୍ଦ୍ରାପଡା ତିନିମୁହାଣୀ-ନୂଆ ବସଷ୍ଟାଣ୍ଡ ରାସ୍ତାର ଅର୍ବାନ କୋଅପରେଟିଭ ବ୍ୟାଙ୍କ ସମ୍ମୁଖରେ ଛାତ୍ରୀଙ୍କ ମୃତଦେହ ରଖି କ୍ଷତିପୂରଣ ଦାବିରେ ରାସ୍ତାରୋକ କରିଛନ୍ତି ।
ସୂଚନା ଅନୁଯାୟୀ, ଗତ ରବିବାର କଜଳା ଗ୍ରାମର ଶେଜଲ ବଳ ନାମକ ଜଣେ ଛାତ୍ରୀ ସକାଳୁ ଟିଉସନ୍ ସାରି ଘରକୁ ଫେରୁଥିଲେ । ଏହି ସମୟରେ ବ୍ୟାଙ୍କର ନିର୍ଦ୍ଦେଶକ୍ରମେ ଲୋକେ କଜଳା ଅର୍ବାନ ବ୍ୟାଙ୍କ ପରିସରରେ ଥିବା ଏକ ଝାଉଁ ଗଛକୁ କାଟୁଥିବା ବେଳେ ହଠାତ୍ ଶେଜଲଙ୍କ ଉପରେ ଗଛଟି ଭାଙ୍ଗି ପଡିଯାଇଥିଲା ।
ଏହାପରେ ତାଙ୍କୁ ଗୁରୁତର ଅବସ୍ଥାରେ ପ୍ରଥମେ କେନ୍ଦ୍ରାପଡ଼ା ଓ ପରେ କଟକ ବଡ଼ ମେଡ଼ିକାଲ ନିଆଯାଇଥିଲା। ତେବେ ସୋମବାର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।
ଏପଟେ ଗଛକଟା ନେଇ ପୂର୍ବରୁ ସୂଚନା ମିଳିନଥିବା ବେଳେ ବ୍ୟାଙ୍କର ଖାମାଖିଆଲି ମନୋଭାବ ଯୋଗୁଁ ଜଣେ ନାବାଳିକାର ମୃତ୍ୟୁ ପ୍ରତିବାଦରେ ସ୍ଥାନୀୟ ଲୋକମାନେ କ୍ଷତିପୂରଣ ଦାବି କରି ରାସ୍ତାରୋକ କରିଥିଲେ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
