କେନ୍ଦ୍ରାପଡା: ଜିଲ୍ଲାର ଡେରାବିଶ୍ ବ୍ଲକ ଜଅଁରା ବାରିମୂଳ ପଞ୍ଚାୟତ ଅର୍ତ୍ତାମୂଳ ଗ୍ରାମରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟଜନକ ଦୃଶ୍ୟ । ଜଣେ 9 ବର୍ଷର ନାବାଳିକା ଚାଷ ଜମିରେ ଧାନ ରୁଆ ମେସିନ ଚଳାଉଥିବା ଦୃଶ୍ୟ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ସୂଚନା ଅନୁଯାୟୀ ସୁଧାଂଶୁ ଜେନାଙ୍କ 9ବର୍ଷର ଝିଅ ଜାହ୍ନବୀ କଅଁଳ ବୟସରେ ବିଲରେ ମେସିନ ଚଳାଉଥିବା ଦୃଶ୍ୟ ଦେଖି ସେଠାରେ ଥିବା ସମସ୍ତ ଗ୍ରାମବାସୀ ଆଶ୍ଚର୍ଯ୍ୟ ଚକିତ ହୋଇଥିଲେ । ୧୭ ସେକେଣ୍ଡର ଏହି ଭାଇରାଲ ଭିଡିଓରେ ଜାହ୍ନବୀ ମେସିନ ଚଳାଉଥିବା ବେଳେ ନିକଟରେ ବାପା ସୁଧାଂଶୁ ତାଙ୍କୁ ଗାଇଡ଼ ମଧ୍ୟ କରୁଥିଲେ ।
9 ବର୍ଷର ନାବାଳିକା ଚଲାଉଛି ଧାନ ରୁଆ ମେସିନ, ଭିଡିଓ ଭାଇରାଲ
ସୁଧାଂଶୁ ଚାକିରୀ କରିଥିଲେ ମଧ୍ୟ ଚାଷ ପ୍ରତି ବିମୁଖ ନହୋଇ ଅତ୍ୟାଧୁନିକ ଯନ୍ତ୍ରପାତିରେ ଚାଷ କରିବାରେ ଅଞ୍ଚଳରେ ବେଶ ନାଁ କମାଇଥିବାବେଳେ ଝିଅର ଜିଦ ପାଇଁ ତାକୁ ମେସିନ ଚଳାଇବା ପାଇଁ ଦେଇଥିଲେ ବୋଲି କହିଛନ୍ତି ବାପା ସୁଧାଂଶୁ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
