କେନ୍ଦ୍ରାପଡା: ଅବକାରୀ ବିଭାଗକୁ ସଫଳତା । କେନ୍ଦ୍ରାପଡାରେ ଗଣପର୍ବ ଚାଲୁଥିବା ସମୟରେ ବଢୁଥିଲା ବେଆଇନ ମଦ କାରବାର । ଗୁରୁବାର ଅବକାରୀ ବିଭାଗ ଚଢାଉ କରି 300ଲିଟରରୁ ଅଧିକ ମଦ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି ।
୩୦୦ ଲିଟରରୁ ଉର୍ଦ୍ଧ୍ବ ଦେଶୀ ରନ୍ଧାମଦ ଜବତ, ଦୁଇ ଗିରଫ
ଟାଉନ ଥାନା ଅନ୍ତର୍ଗତ ବଡହାଟ ଗାଁରେ ବେଆଇନ ମଦ ବ୍ୟବସାୟ ହେଉଥିବା ଖବର ପାଇଥିଲା ପୋଲିସ। ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଅବକାରୀ ନିରୀକ୍ଷକ ରଜତ ପ୍ରହରାଜଙ୍କ ଦ୍ବାରା ଜିଲ୍ଲାରେ ବେଆଇନ ମଦ ବେପାର ଉପରେ ଗୁରୁବାର ଚଢ଼ାଉ କରାଯାଇଥିଲା ।
ଚଢାଉରେ 300ଲିଟରରୁ ଉର୍ଦ୍ଧ୍ବ ଦେଶୀ ରନ୍ଧାମଦ ଜବତ କରିଛି ଅବକାରୀ ବିଭାଗ । ଘଟଣାରେ ବ୍ୟବସାୟ କରୁଥିବା ଦୁଇଭାଇ ମାନା ଓ ଗେଲା ମହାରଣାକୁ ଗିରଫ କରିଛି ପୋଲିସ । ଅଭିଯୁକ୍ତଙ୍କ ବିରୋଧରେ ଅବକାରୀ ମାମଲା ନଂ 23/2020ରେ ମାମଲା ରୁଜ୍ଜୁ କରାଯାଇ କୋର୍ଟ ଚାଲାଣ କରାଯାଇଛି ବୋଲି କହିଛନ୍ତି ଅବକାରୀ ସବ୍ ଇନ୍ସପେକ୍ଟର ସରୋଜ ବାଗ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
