ଫୁଲବାଣୀ: କନ୍ଧମାଳ ଜିଲ୍ଲାରେ କୋରୋନା ପ୍ରାଦୁର୍ଭାବ ବଢୁଥିବା ବେଳେ କୋଟଗଡ ଅଞ୍ଚଳବାସୀଙ୍କ ଖାତିର ନାହିଁ । କୋଭିଡ ନିୟମ ଉଲଙ୍ଘନ କରି ଖେଳିଲେ ବ୍ଲକ ସ୍ତରୀୟ ଭଲିବଲ ଟୁର୍ଣ୍ଣାମେଣ୍ଟ । ପୋଲିସ ଓ ପ୍ରଶାସନ ସାଜିଛନ୍ତି ନୀରବ ଦ୍ରଷ୍ଟା । କନ୍ଧମାଳ ଜିଲ୍ଲା କୋଟଗଡ଼ ବ୍ଲକ ସୁବର୍ଣଗିରି ଗ୍ରାମପଞ୍ଚାୟତ ବାସୀଙ୍କ କୋଭିଡ ନିୟମ ଉଲଂଘନ କରି ଗାଜିନାଜୁ ଗ୍ରାମରେ ଭଲିବଲ ଟୁର୍ଣ୍ଣାମେଣ୍ଟ ଆୟୋଜିତ ହୋଇଛି ।
ଏଥିରେ ମୁଖ୍ୟ ଅତିଥି ଭାବେ ସୁବର୍ଣ୍ଣଗିରି ଗ୍ରାମ ପଞ୍ଚାୟତ ସରପଞ୍ଚ ମାର୍କ ସୁକାମାଝୀ ଖେଳ ଉଦ୍ଘାଟନ କରିବା ପାଇଁ ଯାଇଥିଲେ। ଏଥିରେ ବହୁ ରାଜନେତା ମଧ୍ୟ ଉପସ୍ଥିତ ରହିଥିବା ଦେଖିବାକୁ ମିଳିଛି । ଏହି ଲୋକ ମାନଙ୍କ ପାଖରେ ମାସ୍କ ନା ସାମାଜିକ ଦୂରତା ସତେ ଯେମିତି କୋରୋନା ମହାମାରୀ ଉଭା ହେଇଗଲା । ଯାହା ଫଳରେ ନିର୍ଭୟରେ ୫୦୦ ରୁ ଉର୍ଦ୍ଧ୍ବ ଲୋକ କିପରି ଠିଆ ହେଇଛନ୍ତି ଦେଖନ୍ତୁ ।
ଭାରତରେ କୋରୋନା ମହାମାରୀ ଦିନକୁ ଦିନ ବଢ଼ିବାରେ ଚାଲିଛି ଏବଂ କନ୍ଧମାଳ ଜିଲ୍ଲାରେ ଲୋକମାନଙ୍କର ଜୀବନ ମଧ୍ୟ ନେଉଛି । କିନ୍ତୁ କିଛି ଲୋକମାନେ ଖେଳ କୁଦ କରି ମଜା ନେଉଛନ୍ତି । ସରପଞ୍ଚ କିପରି ଖେଳରେ ସାମିଲ ହେଉଛନ୍ତି । ପୋଲିସର ବିନା ଅନୁମତିରେ ହୋଇଛି ଖେଳ । ଓଡ଼ିଶା ପାଇଁ ଗୋଟିଏ ଆଇନ୍ ଓ କୋଟଗଡ ପାଇଁ କଣ ଆଉ ନୂଆ ଆଇନ୍ ରହିଛି କି ବୋଲି ଲୋକେ ପ୍ରଶ୍ନ କରିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
