ଫୁଲବାଣୀ : ଟିମ ହ୍ୟୁମାନିଟିର ପ୍ରଶଂସନୀୟ କାର୍ଯ୍ୟ । ସହରର ବିଭିନ୍ନ ଶ୍ମଶାନକୁ ପରିମଳ କଲେ ଟିମ ହ୍ୟୁମାନିଟିର ଯୁବ ବର୍ଗ । ଶ୍ମଶାନ ନାଁ ଶୁଣିଲେ ଲୋକଙ୍କ ମନରେ ଅଜଣା ଭୟ ମନ ଦେଖାଦିଏ । ତେଣୁ ପ୍ରାୟ ସମୟ ଶ୍ମଶାନଗୁଡିକ ଅଳିଆ ଆବର୍ଜନାରେ ଭର୍ତ୍ତି ହୋଇଯାଏ । ହେଲେ ଯୁବବର୍ଗ ଅଦ୍ୟମ ସାହସ ଦେଖାଇ ସହରର ବିଭିନ୍ନ ଶ୍ମଶାନଗୁଡିକର ସଫେଇ କରିଛନ୍ତି ।
ଶ୍ମଶାନଗୁଡିକ ନିୟମିତ ସଫା ନ କରାଯିବାରୁ ଅଳିଆ ଆବର୍ଜନା ସାଙ୍ଗକୁ ବର୍ଜ୍ୟ ବସ୍ତୁରେ ପରିପୂର୍ଣ୍ଣ ହୋଇଯାଏ। ଏହାକୁ ଦୃଷ୍ଟିରେ ରଖି ଫୁଲବାଣୀ ସହରରେ ଥିବା ଅଗ୍ରଣୀ ସମାଜ ସେବୀ ସଙ୍ଗଠନ ଟିମ ହ୍ୟୁମାନିଟିର ସଦସ୍ୟ ଓ ସଦସ୍ୟାମାନେ ମିଳିମିଶି ସଫାସୁତୁରା କରିଥିଲେ । ଟିମ ହ୍ୟୁମାନିଟିର ଏଭଳି କାର୍ଯ୍ୟକୁ ସାଧାରଣରେ ବେଶ ପ୍ରଂଶସା କରାଯାଇଛି ।
ଏହି ସଙ୍ଗଠନ କୋରୋନା ମୁକାବିଲା ଠୁ ଆରମ୍ଭ କରି ଟ୍ରାଫିକ ସଚେତନତା, ରାସ୍ତା ଦୁର୍ଘଟଣାରେ ଆହତମାନଙ୍କୁ ମେଡିକାଲରେ ପହଞ୍ଚାଇବା, ଅନାଥ ଓ ଅସହାୟ ଲୋକଙ୍କୁ ସହାୟତାର ହାତ ବଢାଇଆସିଛି । କେବଳ ସେତିକି ନୁହେଁ ମୃତଦେହ ସତ୍କାର କାର୍ଯ୍ୟ ମଧ୍ୟ ଏହି ଅନୁଷ୍ଠାନ କରିଥାଏ ବୋଲି ଜଣାପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
