ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ସାଡିଙ୍ଗିଆ ପଞ୍ଚାୟତର ତାଜୁଙ୍ଗିଆ ଠାରେ ଦେଖିବାକୁ ମିଳିଛି ମାଓ ପୋଷ୍ଟର । ପୋଲିସକୁ ସହାୟତା ନ କରିବା ଓ ମାଓ ବନ୍ଦ ଡାକରା ବେଳେ ବନ୍ଦ ପାଳନରେ ସାମିଲ ହେବାକୁ ପୋଷ୍ଟରରେ ଆହ୍ବାନ କରାଯାଇଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
କେକେବିଏନ୍ ମାଓ ଡିଭିଜନ୍ ତରଫରୁ ଏହି ଲାଲ ବ୍ୟାନର ମରାଯାଇଥିବା ଉଲ୍ଲେଖ ରହିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖାଯାଇଛି ।
ମାଓ ପୋଷ୍ଟର ଲଗାଯିବା ଘଟଣା ଜାଣିବା ପରେ ପୋଲିସ ଉକ୍ତ ସ୍ଥାନରେ ପହଞ୍ଚି ବ୍ୟାନରକୁ ଜବତ କରିଛି । ଏବଂ ଏହା ଲାଲବାହିନୀ ପକ୍ଷରୁ ଲଗାଯାଇଛି କି ନାହିଁ ତାହା ସମ୍ବନ୍ଧରେ ଅଧିକ ତଦନ୍ତ ଜାରି ରଖିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
