ଫୁଲବାଣୀ: ଚାରିଆଡେ ଜାରି ରହିଛି ପ୍ରବଳ ଗ୍ରୀଷ୍ମ ପ୍ରବାହ । ତତଲା କଡେଇରେ ଭାଜି ହେଉଛନ୍ତି ଲୋକେ । ଏପରି ସମୟରେ କନ୍ଧମାଳ ଜିଲ୍ଲା ଗୋଚ୍ଛାପଡା ଥାନା ଅଞ୍ଚଳରେ ଘଟିଛି ଅଘଟଣ । ବିଲରେ କୁଅ ଖୋଳୁଥିବା ସମୟରେ ପ୍ରାଣ ହରାଇଛନ୍ତି ସନ୍ୟାସୀ କହଁର ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ସୂଚନାନୂଯାୟୀ, ସନ୍ୟାସୀ ଜଣେ ମହାତ୍ମାଗାନ୍ଧୀ ଜାତୀୟ ନିଶ୍ଚିତ କର୍ମନିଯୁକ୍ତି ଯୋଜନା ହିତାଧିକାରୀ ହୋଇଥିବା ବେଳେ ତାଙ୍କ ଘର କଟ୍ରିଙ୍ଗିଆ ନିକଟ ସ୍ରାକି ଗାଁରେ । ତେବେ ସନ୍ୟାସୀ ନରେଗା ଯୋଜନାରେ ବିଲରେ କୂଅ ଭିତରେ ପଥର ବନ୍ଧେଇ କରିସାରି ଉପରକୁ ଆସୁଥିବା ବେଳେ ଖସି ପଡିଥିଲେ । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ତୁରନ୍ତ ତାଙ୍କୁ ଫୁଲବାଣୀ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଥି ବେଳେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି ।
ତେବେ ପ୍ରବଳ ଖରାରେ କିପରି ଯୋଜନାର କାମ କରାଯାଉଛି ବୋଲି ପ୍ରଶ୍ନ କରିଛନ୍ତି ଗ୍ରାମବାସୀ । ଏହାସହ ତୁରନ୍ତ ସହାୟତା ଦେବାକୁ ଦାବି କରିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
