ଫୁଲବାଣୀ: କନ୍ଧମାଳ ବନ୍ଦ ଡାକରା ଦେଇଛି ନକ୍ସଲ ସଙ୍ଗଠନ। ଅମଲାତନ୍ତ୍ର ଶାସନ ସହ ଶୋଷଣକାରୀକୁ ବିରୋଧ କରିବା ପାଇଁ ଏହି ବନ୍ଦ ଡାକରା ଦେଇଛି ସିପିଆଇ ମାଓବାଦୀ ସଙ୍ଗଠନ।
କନ୍ଧମାଳରେ ନକ୍ସଲ ବନ୍ଦ ଡାକରା, ଏନ ଏଚ ଅବରୋଧ
କନ୍ଧମାଳ ଜିଲ୍ଲା ଦେଇ ଯାଇଥିବା 59 ନମ୍ବର ଜାତୀୟ ରାଜପଥର ବିଭିନ୍ନ ସ୍ଥାନରେ ନକ୍ସଲଙ୍କ ପକ୍ଷରୁ ଗଛ କାଟି ରାସ୍ତା ଅବରୋଧ କରାଯାଇଛି। ଲାଲବ୍ୟାନର ମାଧ୍ୟମରେ ସରକାରଙ୍କୁ ଲାଲ ଆଖି ଦେଖାଇଛି ଲାଲବାହିନୀ। ଅମଳାତନ୍ତ୍ର ଓ ପୁଞ୍ଜିବାଦୀ ଶାସନକୁ ବିରୋଧ କରିଛନ୍ତି ନକ୍ସଲ। ଜିଲ୍ଲାର ସିର୍ତିଗୁଡା,ଦାରିଙ୍ଗବାଡି,ଫିରିଙ୍ଗିଆର, ସାଡିଙ୍ଗିଆ ପ୍ରଭୃତି ସ୍ଥାନରେ ବନ୍ଦର ପ୍ରଭାବ ଦେଖିବାକୁ ମିଳିଛି। ଦୀର୍ଘ ସମୟ ଧରି ରାସ୍ତା ଅବରୋଧ ହୋଇରହିଛି। ବିସ୍ଫୋରକ ସନ୍ଦେହରେ ଚୁପ ରହିବାକୁ ଶ୍ରେୟସ୍କର ଭାବିଛି ପୋଲିସ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
