ଫୁଲବାଣୀ: ବଜ୍ରପାତରେ ଦୁଇ ଆହତ । ଦୁଇ ଯୁବକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ,କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଗୋଛାପଡ଼ା ପଞ୍ଚାୟତର ମାରକଣ୍ଡ ମହାକୁଡ଼ ଓ ସୁମନ୍ତ କହଁର କିଛି ଯୁବକଙ୍କ ସହିତ ପଡିଆରେ କ୍ରିକେଟ ଖେଳୁଥିଲେ । ଏହି ସମୟରେ ବର୍ଷା ହେବାରୁ ଦୁଇ ଯୁବକ ଏକ ଗଛମୂଳେ ଆଶ୍ରୟ ନେଇଥିଲେ ।
କ୍ରିକେଟ ପଡିଆରେ ବଜ୍ରପାତ ,2 ଯୁବକ ଗୁରୁତର
ଗଛତଳେ ଆଶ୍ରୟ ନେବା ସମୟରେ ବଜ୍ରପାତ ହୋଇଥିଲା । ଯେଉଁଥିରେ ଦୁଇ ଯୁବକ ତଳେ ପଡି ଯାଇଥିଲେ । ଗୁରୁତର ଅବସ୍ଥାରେ ସେମାନଙ୍କୁ ଗୋଛାପଡ଼ା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ହେଲେ ଉଭୟଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
