ଫୁଲବାଣୀ: ଭିଜିଲାନ୍ସ ଜାଲରେ ଜିଲ୍ଲା ଶ୍ରମ ଅଧିକାରୀ ରଞ୍ଜନ କିଶୋର ବେହେରା । ଜଣେ ଶ୍ରମିକଙ୍କ ମୃତ୍ୟୁକାଳୀନ ସହାୟତା ମଞ୍ଜୁର କରାଇଦେବା ପାଇଁ ପନ୍ଦର ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ତାଙ୍କୁ ଗିରଫ କରିଛି ।
ଭିଜିଲାନ୍ସ ପଞ୍ଝାରେ ଜିଲ୍ଲା ଶ୍ରମ ଅଧିକାରୀ
ବଡକଥା ହେଉଛି, ଭିଜିଲାନ୍ସ ଟିମ୍କୁ ଦେଖି ଟଙ୍କା ଖାଇବାକୁ ଉଦ୍ୟମ କରିଥିଲେ ଅଧିକାରୀ । ଏପରିକି ଭିଜିଲାନ୍ସ ଅଧିକାରୀଙ୍କ ଆଙ୍ଗୁଠିକୁ କାମୁଡି ସେ ରକ୍ତାକ୍ତ କରିଦେଇଥିଲେ । ତେବେ ଭିଜିଲାନ୍ସ ଟିମ୍କୁ ତାଙ୍କୁ ଗିରଫ କରିଛି ।
ସୂଚନା ଅନୁଯାୟୀ, ଟିକାବାଲିର ବାବୁଜ ପ୍ରଧାନ ନାମକ ଜଣେ ବ୍ୟକ୍ତିଙ୍କ ଠାରୁ ପନ୍ଦର ହଜାର ଟଙ୍କା ନେଉଥିଲେ । ପୋଲିସ ତାଙ୍କୁ ଗିରଫ କରିବା ପରେ ଫୁଲବାଣୀ ସ୍ଥିତ ତାଙ୍କ କ୍ବାଟର ଓ କଟକ ସିଡିଏ ସ୍ଥିତ ତାଙ୍କ ବାସଭବନରେ ଚଢାଉ କରିଛି । ଏହି ଚଢାଉରେ ବହୁ ଗୁରୁତ୍ବପୂର୍ଣ୍ଣ କାଗଜ ପତ୍ର ମଧ୍ୟ ଜବତ ହୋଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
