ଫୁଲବାଣୀ: କୋଭିଡ୍ ନିୟମ ଉଲ୍ଲଙ୍ଘନ କରି ପୁଅ ବାହାଘର କରିବା ପଡିଲା ମହଙ୍ଗା । ବର ପିତା ଥାନାରେ ଅଟକ । ମାଇକ୍ ସେଟ୍ ଜବତ କଲା ପୋଲିସ ।
କୋଭିଡ୍ ନିୟମ ନମାନି ବିବାହ ଅନୁଷ୍ଠିତ
ସୂଚନାଥାଉକି, ବୁଧବାର ସନ୍ଧ୍ୟାରେ ବାଲିଗୁଡା ଥାନା ତଗାକିଆ ଗ୍ରାମର ଏକ ବିବାହ ଅନୁଷ୍ଠିତ ହେଉଥିଲା । ଗାଁର ପରମେଶ୍ବର ମଲ୍ଲିକଙ୍କ ପୁଅ ନକୁଳ ମଲ୍ଲିକଙ୍କ ସହିତ ସାତାମାସ୍କା ଗାଁର ଲହଡା ମଲ୍ଲିକଙ୍କ ଝିଅ ପ୍ରୀତି ମଲ୍ଲିକଙ୍କ ବିବାହ ଅନୁଷ୍ଠିତ ହେଉଥିଲା । ତେବେ ଏହି ବିବାହରେ 200ରୁ ଅଧିକ ଲୋକ ସାମିଲ ଥିବାର ଖବର ପାଇ ପୋଲିସ ଚଢାଉ କରିଥିଲା ।
ଚଢାଉ ସମୟରେ ବିବାହରେ ବାଜୁଥିବା ମାଇକ ସେଟ୍କୁ ପୋଲିସ ଜବତ କରିବା ସହ ବର ପିତାଙ୍କୁ ଅଟକ ରଖିଛି । ଏହାସହ ବର ଓ ବର ପିତାଙ୍କ ନାମରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
