ଫୁଲବାଣୀ: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କନ୍ଧମାଳ ଗ୍ରସ୍ତ କାର୍ଯ୍ୟକ୍ରମକୁ କଂଗ୍ରେସ ଓ ବିଜେପିର ବିରୋଧ । କଳାପତାକା ଦେଖାଇ ବିରୋଧ କରୁଥିବା ବେଳେ ୩୦ କଂଗ୍ରେସ ଓ ୩୦ ବିଜେପି କର୍ମୀଙ୍କୁ ଉଠାଇ ନେଇଛି ପୋଲିସ । ସୂଚନାଅନୁଯାୟୀ ମମିତା ମେହେର ହତ୍ୟାକାଣ୍ଡ ଘଟଣାରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ସମ୍ପୃକ୍ତି ଥିବାରୁ ତାଙ୍କୁ ବହିଷ୍କାର ଦାବି କରି କଂଗ୍ରେସ ନାରାୟଣୀ ଛକ ଠାରେ କଳା ପତାକା ଦେଖାଇଥିଲା । ଏହି ସମୟରେ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ସମତେ ବିଜେଡିର କର୍ମୀ ସହର ପରିକ୍ରମା କରୁଥିବା ବେଳେ କଂଗ୍ରେସ କଳା ପତାକା ଦେଖାଇ ପ୍ରତିବାଦ କରିବାରୁ ବିଜେଡି ସହ ଧସ୍ତାଧସ୍ତି ହୋଇଥିଲା । ଏହି ଘଟଣାରେ କଂଗ୍ରେସର 30 ଜଣରୁ ଅଧିକ କର୍ମୀଙ୍କୁ ଉଠାଇ ନେଇଛି ପୋଲିସ ।
ସେହିପରି ମାଦିକୁନ୍ଦା ଛକ ଠାରେ ବିଜେପି ପକ୍ଷରୁ ମଧ୍ୟ ମମିତା ମେହେର ହତ୍ୟା ଘଟଣାରେ ଦିବ୍ୟଶଙ୍କର ମିଶ୍ରଙ୍କୁ ଗିରଫ ଦାବି କରିବା ସହ ମୁଖ୍ୟମନ୍ତ୍ରୀ ବିରୋଧି ନାରା ଦେଇ କଳାପତାକା ପଦର୍ଶନ କରିଥିଲେ । ଏହି ସମୟରେ ବିଜେପିର 30 ଜଣ କର୍ମୀଙ୍କୁ ପୋଲିସ ଅଟକ ରଖିଥିବା ସୂଚନା ମିଳିଛି । ତେବେ ଆଜି ମୁଖ୍ୟମନ୍ତ୍ରୀଙ୍କ ଗସ୍ତ ରହିଥିବା ବେଳେ ସୁରକ୍ଷା ଦାୟିତ୍ବରେ ଥିବା ପୋଲିସ ଯୁବ କଂଗ୍ରେସ କର୍ମୀଙ୍କ ଅଟକ ରଖିଥିବା ଜଣାପଡିଛି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
