ଫୁଲବାଣୀ: ଥମୁନି ବେଆଇନ ନିଶା କାରବାର । ପୁଣି ବିପୁଳ ପରିମାଣରେ ଗଞ୍ଜେଇ ଜବତ କରିଛି ପୋଲିସ । କନ୍ଧମାଳ ଜିଲ୍ଲାରୁ ବୌଦ୍ଧ ଜିଲ୍ଲାକୁ ହେଉଥିଲା ଗଞ୍ଜେଇ ଚାଲାଣ । ପୋଲିସ ଯାଞ୍ଚ ବେଳେ ସମସ୍ତ ଅଭିଯୁକ୍ତ ଫେରାର ହୋଇଯାଇଥିବା ବେଳେ 9 କ୍ବିଣ୍ଟାଲ ଗଞ୍ଜେଇ ଜବତ କରିଛି ଗୋଚ୍ଛାପଡା ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ସୂଚନା ଅନୁସାରେ କନ୍ଧମାଳ ଜିଲ୍ଲା ଗୋଚ୍ଛାପଡା ପୋଲିସ ବିପୁଳ ପରିମାଣରେ ଗଞ୍ଜେଇ ଜବତ କରିଛି । କନ୍ଧମାଳରୁ ବୌଦ୍ଧ ଜିଲ୍ଲାକୁ ଏକ ପିକଅପ୍ ଭ୍ଯାନରେ ଗଞ୍ଜେଇ ଚାଲାଣ ହେଉଥିବା ବେଳେ ପୋଲିସ ହାବୁଡରେ ପଡିଯାଇଥିଲେ । ବାଲାନ୍ଦାପଡା ନିକଟରେ ଗଞ୍ଜେଇ ଜବତ କଲା ପୋଲିସ । ସେପଟେ ସମସ୍ତ ଚାଲାଣକାରୀ ପୋଲିସକୁ ଚକମା ଦେଇ ଚମ୍ପଟ ମାରିଥିବା ଜଣାପଡିଛି । ଯାଞ୍ଚ ବେଳେ 9 କ୍ବିଣ୍ଟାଲ 54 କିଲୋଗ୍ରାମ ଗଞ୍ଜେଇ ଜବତ କରିଛି ପୋଲିସ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
