କନ୍ଧମାଳ: ଲକଡାଉନକୁ ନେଇ ପୋଲିସ ବ୍ୟସ୍ତ ଥିବାବେଳେ ଗଞ୍ଜେଇ ମାଫିଆଙ୍କ ପୁଷ ମାସ ହୋଇଛି । କନ୍ଧମାଳ ଫିରିଙ୍ଗିଆରୁ ଗଞ୍ଜେଇ ଚାଲାଣ ହେଉଥିଲା କଟକ । ଶିମିଳିସାହି ନିକଟରେ ଏକ ଇଣ୍ଡିଗୋ କାରକୁ ଯାଞ୍ଚ କରି 21 କିଲୋ ଗଞ୍ଜେଇ ଜବତ କରିଛି ପୋଲିସ । ଏହି ଘଟଣାରେ ଦୁଇ ଯୁବକ ଓ ଦୁଇ ଯୁବତୀ ମଧ୍ୟ ଗିରଫ ହୋଇଛନ୍ତି ।
ଗଞ୍ଜେଇ ଚାଲାଣ ବେଳେ 4 ଗିରଫ
ସାତଟି ପ୍ୟାକେଟରେ ଏକୋଇଶ କିଲୋଗ୍ରାମ ଗଞ୍ଜେଇ ନେଇ ଖସିଯାଉଥିଲେ ବେପାରୀ । ତେବେ ଗିରଫ ଅଭିଯୁକ୍ତ ମାନେ ହେଲେ କୁମୁରିଗୁଡାର ଅଜିତ ଦିଗାଲ, ଶ୍ରୀପଲାର ନୃସିଂହ କହଁର, କଳ୍ପନା କହଁର ଓ ରଞ୍ଚନା କହଁର । ଗିରଫ ପରେ ସେମାନଙ୍କୁ ଫୁଲବାଣୀ ଜିଲ୍ଲା କୋର୍ଟ ଚାଲାଣ କରାଯାଇଛି । ଜାମିନ ନାମଞ୍ଜୁର ପରେ ଚାଲାଣକାରୀ ଜେଲ ଯାଇଥିବା ସୂଚନା ଦେଇଛନ୍ତି ଥାନା ଅଧିକାରୀ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
