କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ କଲମପୁର ରାସ୍ତା ଭତ୍ରାଗୁଡା ନିକଟରେ ସଡ଼କ ଦୁର୍ଘଟଣାରେ ଜଣେ ମୃତ ।
ଭ୍ୟାନ-ବାଇକ୍ ମୁହାଁମୁହିଁ : ଜଣେ ମୃତ
ସୂଚନା ଅନୁଯାୟୀ, ଭତ୍ରାଗୁଡା ନିକଟରେ କଲମପୁର ଆଡୁ ଜୁନାଗଡ ଅଭିମୁଖେ ଯାଉଥିବା ଏକ ଭ୍ୟାନ ସହ ବିପରିତ ଦିଗରୁ ଆସୁଥିବା ଏକ ବାଇକ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ବାଇକ ଆରୋହୀ ଜଣକ ରାସ୍ତା କଡ ବିଲରେ ଛିଟିକି ପଡ଼ିଥିଲେ । ଭ୍ୟାନ ମଧ୍ୟ ଭାରସାମ୍ୟ ହରାଇ ବାଇକ ଆରୋହୀ ଉପରେ ଚାପି ହୋଇ ରହିଥିବାରୁ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିବା ପୋଲିସର ପ୍ରାଥମିକ ସୂଚନାରୁ ଜଣାପଡିଛି ।
ମୃତକ ଜଣକ ଥୁଆମୂଳ ରାମପୁର ବ୍ଲକର ସୁହାନା ନାଏକ ବୋଲି ଜଣାପଡିଛି । ଘଟଣାସ୍ଥଳରେ ଜୁନାଗଡ଼ ପୋଲିସ ପହଞ୍ଚି ମୃତଦେହ ଜବତ ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ କ୍ଷତିପୂରଣ ଦାବିରେ ପରିବାର ବର୍ଗ ଜୁନାଗଡ଼ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
