ଭବାନୀପାଟଣା: ବନ୍ଧୁକ ମୁନରେ ଲୁଟ ଉଦ୍ୟମ କରୁଥିବାବେଳେ ବନ୍ଧା ହେଲେ ୨ ଯୁବକ । ଜିଲ୍ଲା ମଦନପୁର ରାମପୁର ଥାନା ଅନ୍ତର୍ଗତ ସୁନାମୁଖୀ ମନ୍ଦିର ନିକଟରେ ସୁନୀଲ ସାହୁ ନାମକ ଜଣେ ବ୍ୟକ୍ତି ରିଷିଡ଼ାରୁ ବାଇକ ଯୋଗେ ଅନ୍ୟଜଣେ ସହଯୋଗୀଙ୍କ ସହ ଫେରୁଥିବା ସମୟରେ ୨ ଯୁବକ ବନ୍ଧୁକ ଦେଖାଇ ଲୁଟ ଉଦ୍ୟମ କରୁଥିଲେ । ଏହି ସମୟରେ ସ୍ଥାନୀୟ ଲୋକେ ୨ ଯୁବକଙ୍କୁ କାବୁ କରିନେଇ ପୋଲିସର ଜିମା ଦେଇଥିଲେ ।
ଦେଶୀ ବନ୍ଧୁକ ଜବତ ସହ ଦୁଇ ଡକାୟତ ଗିରଫ
ଏହି ଘଟଣାରେ ମଦନପୁର ରାମପୁର ପୋଲିସ ଏକ ମାମଲା ରୁଜୁ କରିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି । ୨ଯୁବକ ହେଉଛନ୍ତି ସୁବର୍ଣ୍ଣପୁର ଜିଲ୍ଲା ତରଭା ଅଞ୍ଚଳର ନିବାସ ବାରିକ ଓ ମନୋଜ କୁମ୍ଭାର । ସେମାନଙ୍କ ଠାରୁ ପୋଲିସ ଗୋଟିଏ ଦେଶୀ ବନ୍ଧୁକ ସହ ୨ ଟି ଅଫୁଟା ଗୁଳି ଜବତ କରି ତଦନ୍ତ ଜାରି ରଖିଛି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
