ଭବାନୀପାଟଣା: କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ୧ ନମ୍ବର ଜୋନ୍ ଜିଲ୍ଲା ପରିଷଦ ଆସନ ପାଇଁ ବିଜେପି ପକ୍ଷରୁ ପ୍ରାର୍ଥୀପତ୍ର ଦାଖଲ କଲେ ନମିତା ରାଣୀ ସାହୁ । ଆଜି ଭବାନୀପାଟଣା ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନିଜର ଆବଶ୍ୟକ ଦସ୍ତବିଜ୍ ସହ ନାମାଙ୍କନ ପତ୍ର ଦାଖଲ କରିଛନ୍ତି ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ନମିତା ରାଣୀ ସାହୁ । ନିଜ ସମର୍ଥକଙ୍କ ସହ ସେ ଆଜି ନାମାଙ୍କନ ଦାଖଲ କରିଛନ୍ତି ।
କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା, ଗ୍ରାମାଞ୍ଚଳରେ ଲାଗି ରହିଥିବା ବିଭିନ୍ନ ସମସ୍ୟା ଓ ନାରୀ ସୁରକ୍ଷାକୁ ମୁଖ୍ୟ ମୁଦ୍ଦା କରି ନମିତା ଲୋକଙ୍କ ନିକଟକୁ ଯିବେ ବୋଲି ପ୍ରକାଶ କହିଛନ୍ତି । ସେହିପରି ଭବାନୀପାଟଣା ବ୍ଲକ ୪ ନମ୍ବର ଜୋନ୍ ଜିଲ୍ଲା ପରିଷଦ ଆସନ ପାଇଁ ବିଜେପି ପକ୍ଷରୁ ନାମାନଙ୍କ ପତ୍ର ଦାଖଲ କରିଛନ୍ତି ସନ୍ତୋଷିନୀ ଦାସ । ଜିଲ୍ଲାରେ ନିର୍ବାଚନକୁ ନେଇ ଏବେ ଗାଁ ଠୁ ସହର ସବୁଠି ଜୋରସୋର ରାଜନୈତିକ ଆଲୋଚନା ହେଉଛି । ତେବେ କିଏ ବାଜିମାତ୍ କରୁଛି ତାହିର ଉପରେ ରହିଛି ସଭିଁଙ୍କ ନଜର ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
