କଳହାଣ୍ଡି: ସ୍କୁଲରେ ତାଲା, ବାହାରେ ଚାଲିଛି ଛାତ୍ରଛାତ୍ରୀ ଓ ଅଭିଭାବକଙ୍କ ଆନ୍ଦୋଳନ । କଳାହାଣ୍ଡିର ଧର୍ମଗଡ଼ ବ୍ଲକ ଅଧିନସ୍ଥ ଧଁଅରପୁର ଉନ୍ନତି ବିଦ୍ୟାଳୟରେ ଦେଖିବାକୁ ମିଳିଛି ଏପରି ଦୃଶ୍ୟ।
ସ୍କୁଲରେ ଝୁଲୁଛି ତାଲା, ବାହାରେ ଛାତ୍ରଛାତ୍ରୀଙ୍କ ଆନ୍ଦୋଳନ
ଦୀର୍ଘଦିନରୁ ଖାଲି ଶିକ୍ଷକ ପଦବୀ ଖାଲି ରହିଛି । ଯାହାକୁ ନେଇ ଛାତ୍ରଛାତ୍ରୀ ଓ ଅଭିଭାବକ ଶିକ୍ଷକ ପଦବୀ ପୂରଣ ପାଇଁ ଦାବି କରି ଆସୁଥିଲେ ମଧ୍ୟ ପ୍ରଶାସନ ପକ୍ଷରୁ ଏନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଏହାର ପ୍ରତିବାଦରେ ସୋମବାର ଛାତ୍ରଛାତ୍ରୀ, ଅଭିଭାବକ ଓ ଗ୍ରାମବାସୀ ସ୍କୁଲରେ ତାଲା ପକାଇବା ସହିତ ଏହା ସମ୍ମୁଖରେ ଧାରଣାରେ ବସିଛନ୍ତି। ଏହି ବିଦ୍ୟାଳୟରେ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ 10ଟି ଶ୍ରେଣୀ ରହିଥିବା ବେଳେ ହାଇସ୍କୁଲରେ ଅନେକ ଶିକ୍ଷକ ପଦବୀ ଖାଲି ରହିଛି।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
