ଭବାନୀପାଟଣା: କଳାହାଣ୍ଡି ପୋଲିସ ପକ୍ଷରୁ 61ତମ ପୋଲିସ ଶହୀଦ ଦିବସ ପାଳିତ ହୋଇଯାଇଛି । ଭବାନୀପାଟଣା ରିଜର୍ଭ ପୋଲିସ ପଡ଼ିଆ ଠାରେ କୋଭିଡ ନିୟମ ଅନୁସରଣ କରି ସାମାଜିକ ଦୂରତା ସହ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ କଳାହାଣ୍ଡି ଆରକ୍ଷୀ ଅଧିକ୍ଷକ ବାତୁଲା ଗଙ୍ଗାଧର ଶହୀଦ ଯବାନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଦେଶ ପାଇଁ ନିଜ ଜୀବନ ଉତ୍ସର୍ଗ କରିଥିବା ବୀର ଯବାନଙ୍କ ବଳିଦାନକୁ ଦେଶ କେବେ ଭୁଲିବ ନାହିଁ ବୋଲି ପ୍ରକାଶ କରିଛନ୍ତି ।
କରୋନା ମହାମାରୀରେ କୋରୋନା ଯୋଦ୍ଧା ଭାବେ ଶହୀଦ ହୋଇଥିବା ପୋଲିସ କର୍ମଚାରୀ ଏବଂ ସଂକ୍ରମିତଙ୍କୁ ପ୍ଲାଜମା ଦାନ କରି ଜୀବନ ରକ୍ଷା କରିଥିବା ପୋଲିସ କର୍ମଚାରୀଙ୍କୁ ସାଧୁବାଦ ଜଣାଇଛନ୍ତି ଏସପି ଗଙ୍ଗାଧର ।
ରାଜ୍ୟପାଳ ଗଣେଶୀ ଲାଲ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବତନ୍ତ୍ର ସମ୍ଭାଷଣକୁ ମଧ୍ୟ ଏହି ଅବସରରେ ପାଠ କରାଯାଇଛି । ପରେ ଉପସ୍ଥିତ ସମସ୍ତ ପୋଲିସ କର୍ମଚାରୀଙ୍କୁ ନିଜ କର୍ତ୍ତବ୍ୟରେ ଆଦର୍ଶ ଆଚରଣ ସହିତ ଜନସାଧାରଣଙ୍କ ସହ ବନ୍ଧୁତ୍ବଭାବ ଜାତ କରିବା ପାଇଁ ଶପଥ ଗ୍ରହଣ କରିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
