ଭବାନୀପାଟଣା : କଳାହାଣ୍ଡି ଜିଲ୍ଲା କେସିଙ୍ଗା ତହସିଲଦାର ଅନ୍ତର୍ଗତ ଚେନାଗାଁ ତେଲନଦୀରେ ବେଆଇନ ବାଲି ଚୋରା ଚାଲାଣ ହେଉଥିବା ନେଇ ପ୍ରଶାସନ ନିକଟରେ ଅଭିଯୋଗ ହୋଇଥିଲା । ଅଭିଯୋଗକୁ ଭିତ୍ତି କରି ଆଜି ଉପଜିଲ୍ଲାପାଳଙ୍କ ନେତୃତ୍ୱରେ କେସିଙ୍ଗା, ଭବାନୀପାଟଣା, ନର୍ଲା ଓ ମଦନପୁର ରାମପୁର ତହସିଲଦାରଙ୍କୁ ନେଇ ଏକ ସ୍ୱତନ୍ତ୍ର ଟିମ ପ୍ରସ୍ତୁତ କରି ବାଲି ଖାଦାନ ଉପରେ ଚଢ଼ାଉ କରିଥିଲେ ।
ବାଲି ଖାଦାନ ଉପରେ ପ୍ରଶାସନର ଅତର୍କିତ ଚଢ଼ଉ, ୧୭ଟି ହାଇଓ୍ବା ସମେତ ଗୋଟିଏ ପ୍ରୋକଲିଂ ଜବତ
ଚଢ଼ାଉରେ ୧୭ ଗୋଟି ହାଇଓ୍ବା ଗାଡି ଜବତ କରିବା ସହ ଗୋଟିଏ ପ୍ରୋକଲିଂକୁ ମଧ୍ୟ ଜବତ କରିଛି । ସୂଚନା ଅନୁଯାୟୀ ଛେନା ଗାଁ ବାଲି ଖାଦାନର ଟେଣ୍ଡର ହୋଇଥିଲା । ଏକ ସଂସ୍ଥା ଏହାର ଟେଣ୍ଡର ନେଇ ବାଲି ବିକ୍ରି କରିଥିବା ବେଳେ ଛେନା ଗାଁ ଖାଦାନରୁ ବାଲି ସରିଯିବା ପରେ ଅନ୍ୟ ସ୍ଥାନର ୨୫ ଏକର ଏରିଆରୁ ବାଲି ଚୋରା ଚାଲାଣ କରାଯାଉଥିଲା । ଆଉ ଏହାକୁ ନେଇ ଅଭିଯୋଗ ହେବାପରେ ଆଜି ପ୍ରଶାସନ ପକ୍ଷରୁ ଚଢ଼ଉ କରାଯାଇ ଲକ୍ଷାଧିକ ଟଙ୍କାର ଫାଇନ ଲଗାଯାଇଥିବା ଜଣାପଡିଛି ।
ଇଟିଭି ଭାରତ, କଳାହାଣ୍ଡି
