କଳାହାଣ୍ଡି: ମାଓ ଦମନ ଅଭିଯାନରେ କଳାହାଣ୍ଡି ପୋଲିସକୁ ସଫଳତା । ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନେତୃତ୍ବରେ ଚାଲିଥିବା ମାଓ ଦମନ ଅଭିଯାନରେ ଆଉ ଏକ ସଫଳତା ହାସଲ କରିଛି । କୌଣସି ଏକ ବିଶ୍ବସ୍ତ ଖବରରୁ ପୋଲିସ ସୂଚନା ପାଇବା ପରେ ଜଣେ ମିଲିସିଆ ମାଓବାଦୀକୁ ଗିରଫ କରାଯାଇଛି । ଅଭିଯୁକ୍ତ ଜଣକ ହେଲା ଘନ ମାଝୀ ।
ମାଓ ଦମନ ଅଭିଯାନରେ କଳାହାଣ୍ଡି ପୋଲିସକୁ ସଫଳତା
ଏମ.ରାମପୁର ଥାନା ଅଞ୍ଚଳର ବାରବନ୍ଧା ଜଙ୍ଗଲରେ ଥିବା ମାଓବାଦୀଙ୍କ ପାଇଁ ଗୁପ୍ତରେ ଭାବେ ଘନ ମାଝୀ ବିସ୍ଫୋରକ ସାମଗ୍ରୀ ଓ ମାଓ ପ୍ରଚାର ପତ୍ରିକା ସହ ଖାଦ୍ୟ ସାମଗ୍ରୀ ନେବା ଆଣିବା କାମ କରୁଥିଲା । ଯାହାର ଖବର ପାଇ ପୋଲିସ ଚଢାଉ କରିବା ପରେ ଗିରଫ କରିଛି । ଅଭିଯୁକ୍ତ ଠାରୁ ବିସ୍ଫୋରକ ସାମଗ୍ରୀ ସହ ପ୍ରଚାର ପତ୍ରିକା ଜବତ କରାଯାଇଛି । ଏ ସଂକ୍ରାନ୍ତରେ ଏମ.ରାମପୁର ଥାନାରେ ଏକ ମାମଲା ରୁଜୁ ହେବା ସହ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
