ଭୁବନେଶ୍ବର: ଭବାନୀପାଟଣା ବିଡିଓଙ୍କୁ ନିଲମ୍ବିତ କରାଯାଉ । ଦୁଇ ଦିନ ତଳେ ପୂର୍ବତନ ବିରୋଧୀ ଦଳର ନେତା ତଥା ଭବାନୀପାଟଣା ବିଧାୟକ ପ୍ରଦୀପ୍ତ ନାୟକ ପ୍ରେସମିଟ କରି ବିଡିଓଙ୍କ ନିଳମ୍ବନ ଦାବି କରିଥିଲେ । ଆଜି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ନିଜ ସ୍ବରକୁ ଆହୁରି ଶାଣିତ କରିଛନ୍ତି । ପ୍ରଦୀପ୍ତ କହିଛନ୍ତି, ‘‘ମୋର ସ୍ବାସ୍ଥ୍ୟ ସମସ୍ୟା ହେତୁ ମୋ ନିର୍ବାଚନମଣ୍ଡଳୀରେ 27 ମାସ ଅନୁପସ୍ଥିତି ଥିଲି । ଏହି ସମୟରେ ବିଭିନ୍ନ ବିକାଶମୂଳକ କାର୍ଯ୍ୟକୁ ବିଡିଓ ମନଇଛା କରିଛନ୍ତି । ବ୍ଳକ ଅଧ୍ୟକ୍ଷ ଏବଂ ତାଙ୍କ ସମର୍ଥଙ୍କଙ୍କୁ ବିଡିଓ ଖରାପ ବ୍ୟବହାର ପ୍ରଦର୍ଶନ କରିଛନ୍ତି ।’’
ଏମିତି କି ଚପଲରେ ପିଟିବାକୁ ମଧ୍ୟ ଧମକ ଦେଇଥିଲେ ବିଡିଓ । ପ୍ରଦୀପ୍ତ ଅଭିଯୋଗ କରିଛନ୍ତି ବିଡିଓ କହିଛନ୍ତି ପଲିଟିକାଲ ମ୍ୟାନେଜମେଣ୍ଟ ଅନୁସାରେ ମୋତେ କାମ କରିବାକୁ ହେବ । ନିର୍ବାଚିତ ବ୍ଲକ ଅଧ୍ୟକ୍ଷ ଏବଂ ବିଧାୟକଙ୍କୁ ବେଖାତିର କରୁଛନ୍ତି ବିଡ଼ିଓ । ଆଉ ଗଣତନ୍ତ୍ର ନାହିଁ । ବ୍ଲକ ପ୍ରଶାସନିକ ଅଧିକାରୀ କାହା ବଳରେ ବଳିୟାନ ହୋଇଛନ୍ତି । ଏକ ଚାଟିଆ ଭାବେ ବ୍ଲକକୁ ଚଳାଉଛନ୍ତି ବିଡ଼ିଓ । ଚେୟାରମ୍ୟାନଙ୍କୁ ଗୁରୁତ୍ଵ ଦେଉନାହାନ୍ତି। ଆଜି ଏମାନେ କାହା ବଳରେ ବଳିୟାନ ବୋଲି ପ୍ରଶ୍ନ ଉଠାଇଛନ୍ତି ପ୍ରଦୀପ୍ତ ।
ଏହାବି ପଢନ୍ତୁ- ଏକଚାଟିଆ ଭାବେ ବ୍ଲକକୁ ଚଲାଉଛନ୍ତି ବିଡିଓ ମ୍ୟାଡମ: ପ୍ରଦୀପ୍ତ ନାଏକ
ଏହାର ଅର୍ଥ ରାଜ୍ୟ ସରକାର ସରକାରୀ ବାବୁଙ୍କୁ ଦାୟିତ୍ବ ଦେଇଛନ୍ତି ବିଜୁ ଜନତା ଦଳକୁ ନିର୍ବାଚନରେ ଜିତାଇବା ପାଇଁ । ଶାସକ ଦଳର ନେତାମାନଙ୍କୁ ଠିକାକାମ ଦେବା ପାଇଁ । ପ୍ରତିପକ୍ଷ ନିର୍ବାଚିତ ଜନ ପ୍ରତିନିଧିମାନଙ୍କୁ ଜୋତରେ ପିଟିବା ପାଇଁ ବୋଲି ପ୍ରଦୀପ୍ତ କହିଛନ୍ତି । ଏଥିରୁ ସ୍ପଷ୍ଟ ଜଣାପଡୁଛି ଯେ, ଓଡ଼ିଶାର ପ୍ରଶାସନିକ ଅରାଜକତା ବଢ଼ିଛି । ଯଦି ଜଣେ ବିଡିଓ ଏଭଳି ବୟାନବାଜି କରନ୍ତି ତାହାଲେ ଜିଲ୍ଲାପାଳ, ସଚିବସ୍ତରର ଅଧିକାରୀ ଓଡିଶାର ଜନପ୍ରତିନିଧିମାନଙ୍କୁ କିଭଳି ହତାଦର କରୁଥିବେ ଏଥିରୁ ସ୍ପଷ୍ଟ । ତେଣୁ ତୁରନ୍ତ ବିଡିଓଙ୍କୁ ନିଳମ୍ବନ କରାଯାଉ ।
ଦୁଇ ଦିନ ତଳେ ଭବାନୀପାଟଣାରେ ବିଧାୟକ, ବ୍ଳକ ଅଧ୍ୟକ୍ଷ ଏବଂ ତାଙ୍କ ସମର୍ଥଙ୍କଙ୍କୁ ବିଡିଓ ମାଡାମ୍ ଖରାପ ବ୍ୟବହାର ପ୍ରଦର୍ଶନ କରିଥିବା ଅଭିଯୋଗ ଆଣିଥିଲେ ପ୍ରଦୀପ୍ତ ନାୟକ । ଏମିତି କି ଚପଲରେ ପିଟିବାକୁ ମଧ୍ୟ ଧମକେଇ ଥିଲେ ବିଡିଓ ମ୍ୟାଡାମ୍ । କହିଲେ ପଲିଟିକାଲ ମ୍ୟାନେଜମେଣ୍ଟ ଅନୁସାରେ ମୋତେ କାମ କରିବାକୁ ହେବ । ବ୍ଲକ ଅଧ୍ୟକ୍ଷ ଏବଂ ବିଧାୟକଙ୍କୁ ବେଖାତିର କରୁଛନ୍ତି ବିଡ଼ିଓ । ଭବାନୀପାଟଣା ବ୍ଳକ୍ ବିଡିଓ ମାଡାମଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଭୁବନେଶ୍ବରରେ ପୂର୍ବତନ ବିରୋଧୀ ଦଳ ନେତା ପ୍ରଦୀପ୍ତ ନାୟକଙ୍କ ସାମ୍ବାଦିକ ସମ୍ମିଳନୀ । ରାଜ୍ୟ ସରକାର ଉପରେ ବର୍ଷିଥିଲେ ପୂର୍ବତନ ବିରୋଧୀ ଦଳ ନେତା ତଥା ବିଧାୟକ ପ୍ରଦୀପ୍ତ ନାୟକ ।
ଇଟିଭି ଭାରତ, ଭୁବନେଶ୍ବର
