ଭବାନୀପାଟଣା: ସୀମା ଟପିଲା ବର୍ବରତା । ୧୦ ବର୍ଷର ନାବାଳକକୁ ଗୋଡାଇ ଗୋଡାଇ ହତ୍ୟା । କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଅନ୍ତର୍ଗତ ଭଟାଗୁଡା ଗାଁରେ ଘଟିଛି ଏଭଳି ଅଭାବନୀୟ ଘଟଣା। ଜଣେ ନାବାଳକକୁ ଗୋଡାଇ ଗୋଡାଇ ନିର୍ମମ ଭାବେ ହତ୍ୟା କରିଥିବା ଘଟଣା ଏବେ ସାମ୍ନାକୁ ଆସିଛି ।
ସୂଚନା ଅନୁଯାୟୀ, ଭଟାଗୁଡ଼ା ଗାଁର ଘାସିରାମ ମାଝୀଙ୍କ ୧୦ ବର୍ଷର ପୁଅ ଅନିଲକୁ ସେହି ଗାଁର ଜୟସିଂ ଜାନୀ ନାମକ ଜଣେ ବ୍ୟକ୍ତି ଟାଙ୍ଗିଆରେ ହାଣି ହତ୍ୟା କରିଥିବା ନେଇ ଥୁଆମୂଳ ରାମପୁର ଥାନାରେ ଅଭିଯୋଗ ହୋଇଛି । ଏହାପୂର୍ବରୁ ଘାସିରାମଙ୍କ ବଡପୁଅ ଦେବାନନ୍ଦକୁ ମଧ୍ୟ ଧନୁତୀରରେ ଆକ୍ରମଣ କରିଥିଲେ ।
ଖବର ପାଇଁ ଘଟଣାସ୍ଥଳରେ ଥୁଆମୂଳ ରାମପୁର ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ଅଭିଯୁକ୍ତ ଜୟସିଂ ଜାନୀକୁ ଗିରଫ କରିଥିବା ଜଣାପଡ଼ିଛି । ତେବେ କାହିଁକି ନାବାଳକ ଜଣଙ୍କୁ ଏପରି ଅଭିଯୁକ୍ତ ଜଣଙ୍କ ଏପରି ଗୋଡାଇ ଗୋଡାଇ ହତ୍ୟା କଲା, ସେନେଇ କିଛି ସୂଚନା ମିଳିପାରି ନାହିଁ । ପୋଲିସର ତଦନ୍ତ ପରେ ତଥ୍ୟା ସାମ୍ନାକୁ ଆସିବ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
