ଭବାନୀପାଟଣା: ଜିଲ୍ଲାର କନ୍ଧମାଳ ସୀମାନ୍ତ ତଗାବାଜୁ ଗାଁରେ ପୁଣି ଦେଖିବାକୁ ମିଳିଛି ମାଓ ପୋଷ୍ଟର । ଏହି ପୋଷ୍ଟର ମାଧ୍ୟମରେ ନିଜର ଉପସ୍ଥିତି ଜାହିର କରିଛି ଲାଲବାହିନୀ।
କେକେବିଏନ ଡିଭିଜନ ପକ୍ଷରୁ ଜାରି କରାଯାଇଥିବା ପୋଷ୍ଟରରେ ଚଳିତ ୧୮ ରୁ ୨୪ ତାରିଖ ଯାଏଁ ବନ୍ଦ ସଫଳ ପାଇଁ ଆହ୍ବାନ ସହ ସରକାରଙ୍କ ଜନବିରୋଧୀ ନୀତିକୁ ପ୍ରତିବାଦ ନେଇ ପୋଷ୍ଟରରେ ଉଲ୍ଲେଖ କରାଯାଇଥିବା ବେଳେ ମିଥ୍ୟା ଏନକାଉଣ୍ଟର ନାଁରେ ଆଦିବାସୀଙ୍କୁ ଶୋଷଣ ସହ ସରକାରଙ୍କ ନୀତିକୁ ବିରୋଧ ନେଇ ପୋଷ୍ଟରରେ ଉଲ୍ଲେଖ ରହିଛି।
କଳାହାଣ୍ଡିରେ ପୋଷ୍ଟର ମାଧ୍ୟମରେ ଉପସ୍ଥିତି ଜାହିର କରିଛି ଲାଲବାହିନୀ
ତେବେ ଏନେଇ କଳାହାଣ୍ଡି ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ବେଳେ, ଜିଲ୍ଲାର ବିଭିନ୍ନ ସୀମାରେ ନାକାବନ୍ଦୀ କରି କୁମ୍ବିଂ ଜାରି ରହିଥିବା କଳାହାଣ୍ଡି ଏସପି ସୂଚନା ଦେଇଛନ୍ତି।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
