କଳାହାଣ୍ଡି: କୋକସରା ଥାନା ବେହେରା ଗ୍ରାମରେ ବଜ୍ରାପାତ । ବଜ୍ରାଘାତରେ ୨ଜଣ ମହିଳା ମୃତ । ମୃତକ ହେଉଛନ୍ତି ଜୟମଣି ଗୋପାଳ ଓ ଭୂମିସୁତା ଗୋପାଳ ।
ଘଟଣା ସ୍ଥଳରେ ଜୟମଣିଙ୍କ ମୃତ୍ୟୁ ଘଟିଥିବାବେଳେ ଭୂମିସୁତାଙ୍କୁ ଗୁରୁତର ଅବସ୍ଥାରେ ଧର୍ମଗଡ ଉପଖଣ୍ଡ ଚିକିତ୍ସାଳୟକୁ ଅଣାଯାଇଥିଲା । ପରେ ସେଠାରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି ।
ସୂଚନା ଅନୁଯାୟୀ, ଗାଁର ୪ ଜଣ ମହିଳା ଶୌଚ କରିବାକୁ ଯାଇ ଫେରୁଥିବାବେଳେ ବଜ୍ରପାତ ହୋଇଥିଲା । ତେବେ ଦୁଇ ମହିଳା ଅଳ୍ପକେ ବଞ୍ଚିଯାଇଥିଲେ । ସେପଟେ ଗ୍ରାମବାସୀ ମୃତକଙ୍କ ପରିବାରକୁ କ୍ଷତିପୂରଣ ପାଇଁ ଦାବି କରିଛନ୍ତି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ