କଳାହାଣ୍ଡି: ବନ୍ଧୁକ ମୁନରେ ଲୁଟ । ବିଳମ୍ବିତ ରାତିରେ ପଶି କଳାକନା ବୁଲାଇଲେ ମୁଖାଧାରୀ ଡକାୟତ। କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଭାଇରିପାଲି ଗାଁରେ 4ରୁ 5ଜଣ ସଶସ୍ତ୍ର ଡକାୟତି ସୌରଭ ଜୈନଙ୍କ ଘରେ ପଶି ଲକ୍ଷାଧିକ ଟଙ୍କାର ସୁନାଗହଣା ସହ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ତେବେ ବିଳମ୍ବିତ ରାତି ହୋଇଥିବାରୁ ଭୟରେ କେହି ଆସିନଥିଲେ ।
ବନ୍ଧୁକ ମୁନରେ ଲୁଟି ନେଲେ ଲକ୍ଷାଧିକ ସୁନାଗହଣ
ସେପଟେ, ଘଟଣା ବିଷୟରେ ଖବର ପାଇ ଜୟପାଟଣା ପୋଲିସ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି । ଅନ୍ୟପଟେ କଳାହାଣ୍ଡି ଏସପି ବାତୁଲା ଗଙ୍ଗାଧର ମଧ୍ୟ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବାବେଳେ ଆବଶ୍ୟକ ପଡିଲେ ସନ୍ଧାନୀ କୁକୁରର ସାହାଯ୍ୟ ନିଆଯିବ ବୋଲି ଏସପି କହିଛନ୍ତି । ତେବେ ଗତ 9 ତାରିଖରେ ଅଞ୍ଚଳରେ ବାପ ପୁଅକୁ ଆକ୍ରମଣ କରି 6 ଲକ୍ଷ ଟଙ୍କା ଲୁଟି ନେଇଥିବାବେଳେ ପୁଅର ମୃତ୍ୟୁ ହୋଇଥିଲା । ଠିକ ଏହି ଘଟଣାର 5 ଦିନରେ ପୁଣି ଏକ ଲୁଟକୁ ନେଇ ସ୍ଥାନୀୟ ଅଞ୍ଚଳରେ ଭୟ ସୃଷ୍ଟି କରିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
