ଭବାନୀପାଟଣା: ଗ୍ରାମାଞ୍ଚଳରେ କୋଭିଡ ଟେଷ୍ଟିଂ ବଢାଇବାକୁ ସରକାରଙ୍କୁ ଅନୁରୋଧ କଲେ କଳାହାଣ୍ଡି ସାଂସଦ ବସନ୍ତ ପଣ୍ତା । ଟେଷ୍ଟିଂ କମୁଥିବାରୁ ଅକାଳରେ ବହୁ ସଂକ୍ରମିତଙ୍କ ଜୀବନ ଯାଉଛି । ଏଣୁ ଓଡିଶା ସରକାର ଗମ୍ଭୀରତାର ସହ ଚିନ୍ତା କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି ।
ପ୍ରତ୍ୟେକ ସ୍ଥାନରେ ଟେଷ୍ଟିଂ ବୃଦ୍ଧି କରାଯିବା ଆବଶ୍ୟକ ରହିଛି। ରାଜ୍ୟରେ ଲକଡାଉନ କାରଣରୁ ଅନେକ ପ୍ରବାସୀ ଘରକୁ ଫେରି ଆସୁଛନ୍ତି । ଏଥିପାଇଁ ମଧ୍ୟ ସଂକ୍ରମଣ ବୃଦ୍ଧି ପାଉଛି। ଏଣୁ ପଞ୍ଚାୟତ ସ୍ତରରେ ଅସ୍ଥାୟୀ କ୍ବାରେଣ୍ଟାଇନ ସେଣ୍ଟର ପାଇଁ ସାଂସଦ ଦାବି କରିଛନ୍ତି ।
ସେହିପରି ପୂର୍ବରୁ ଯେପରି ଔଷଧ ଦେବା ପାଇଁ ବ୍ୟବସ୍ଥା ହୋଇଥିଲା, ସେହି ବ୍ୟବସ୍ଥାକୁ ପୁନର୍ବାର କରାଯିବାର ଆବଶ୍ୟକତା ଅଛି । ଏହାସହ କୋଭିଡ ମ୍ୟାନେଜମେଣ୍ଟ କରିବା ପାଇଁ ପ୍ରତ୍ୟେକ ଗାଁରେ ଆଶା କର୍ମୀ, ବିଭିନ୍ନ ସ୍ବାସ୍ଥ୍ୟକର୍ମୀ ଓ ବିଭିନ୍ନ ଦଳର ଲୋକ, ସମାଜର ପ୍ରତିଷ୍ଠିତ ଵ୍ୟକ୍ତିଙ୍କୁ ନେଇ ଟିମ ଗଠନ କରନ୍ତୁ ସରକାର ବୋଲି ସେ କହିଛନ୍ତି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
