ଭବାନୀପାଟଣା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ପୋରକେଲା ତେଲ ନଦୀ କୂଳରେ ଥିବା ଚାଷୀ ପ୍ରମୋଦ ସାହୁଙ୍କ ଅଢେଇ ଏକର ଫଳ ବଗିଚାରେ ନିଆଁ ଲାଗିଯାଇଥିବା ଜଣାପଡିଛି । ନିଆଁ ଲାଗିବା ଫଳରେ ବଗିଚାରେ ଥିବା ଫଳ ଗଛ ଗୁଡିକ ପୋଡି ପାଉଁଶ ହୋଇଯାଇଛି । ବଗିଚାରେ ଥିବା କଦଳୀ,ଲବଙ୍ଗ,ଡାଳିମ୍ବ,ଡାଲଚିନି,ସପେଟା,କାଜୁ, ପିସ୍ତାବାଦାମ,ତେଜ ପତ୍ର ଓ ଶତାଧିକ ଆମ୍ବ ଗଛ ପୋଡ଼ି ପାଉଁଶ ହୋଇଯାଇଛି।
ଫଳ ବଗିଚାରେ ନିଆଁ, ଜଳିଗଲା ଲକ୍ଷାଧିକ ଟଙ୍କାର ଫଳ ଗଛ
ନିକଟସ୍ଥ ଚାଷ ଜମିରୁ ନିଆଁ ଲାଗି ଯାଇଥିବା ଅନୁମାନ କରାଯାଉଥିବାବେଳେ ଖବର ପାଇ କର୍ଲାମୁଣ୍ଡା ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ ଋଣ କରି ଚାଷ କରିଥିବା ଚାଷୀ ପ୍ରମୋଦ ସାହୁ ଏବେ ଅସହାୟ ହୋଇ ପଡିଛନ୍ତି । ସେପଟେ କ୍ଷତିଗ୍ରସ୍ତ ଚାଷୀଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
