ଭବାନୀପାଟଣା: ପଣ୍ଡ ହେଲା ଚୋରା ମଦ କାରବାର । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ବୈଜଲପୁର ଗାଁରେ ଧର୍ମଗଡ଼ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇଛି । ଚଢାଉରେ ବେଆଇନ ଭାବେ ଗଚ୍ଛିତ ଥିବା ବିଦେଶୀ ମଦ ଜବତ ସହ ଜଣଙ୍କୁ ଗିରଫ କରିଛି ପୋଲିସ ।
ବେଆଇନ ମଦ କାରବାର କରି ଜଣେ ଗିରଫ
ସୂଚନାଅନୁସାରେ,ବୈଜଲପୁର ଗାଁର ଠାକୁର ସାହୁଙ୍କ ଘରେ ବେଆଇନ ଭାବେ ମଦ କାରବାର ହେଉଥିବା ପୋଲିସ ବିଶେଷ ସୁତ୍ରରୁ ଖବର ପାଇଥିଲା । ଖବର ପାଇ ପୋଲିସ ଓ ଅବକାରୀ ବିଭାଗ ଚୋରା ମଦ ବ୍ୟବସାୟୀଙ୍କ ଘରେ ଅଚାନକ ଚଢାଉ କରିଥିଲା ।
ଘଟଣାସ୍ଥଳରୁ ପୋଲିସ ବେଆଇନ ଭାବେ ଗଚ୍ଛିତ ଥିବା ବିଦେଶୀ ମଦ ଜବତ ସହିତ ଜଣଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ଜବତ ମଦ ସବୁ ନୂଆପଡା ଜିଲ୍ଲାରୁ ଗୋଲାମୁଣ୍ଡା ଅଞ୍ଚଳକୁ ଚୋରା ଚାଲାଣ ହେଉଥିବା ଜଣାଯାଇଛି । ଗିରଫ ହୋଇଥିବା ଅଭିଯୁକ୍ତ ବିରୁଦ୍ଧରେ ଏକ ମାମଲା ରୁଜ୍ଜୁ କରାଯାଇ ଘଟଣାର ତଦନ୍ତ ଚାଲିଥିବା ଅବକାରୀ ବିଭାଗ ପକ୍ଷରୁ ସୂଚନା ମିଳିଛି ।
କଳାହାଣ୍ଡିରୁ ଅଜିତ୍ କୁମାର ସିଂହ, ଇଟିଭି ଭାରତ
