କଳାହାଣ୍ଡି: ଥମୁନି ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି। କଳାହାଣ୍ଡି ଜିଲ୍ଲାରେ ହାଇକୋର୍ଟର ଏକ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଜିଲ୍ଲା ଓକିଲ ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା କଳାହାଣ୍ଡି
ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ପୂର୍ବରୁ ଅନେକ ଥର ଜିଲ୍ଲା ବନ୍ଦ ପାଇଁ ଡାକରା ଦିଆଯାଇଛି। ଏହି ଆନ୍ଦୋଳକୁ ଜିଲ୍ଲାର ସମସ୍ତ ରାଜନୈତିକ ଦଳ ଓ ସଙ୍ଗଠନ ସମର୍ଥନ କରୁଥିବା ଓକିଲ ସଂଘ ସଭାପତି ଭବେନ୍ଦ୍ର ପଠା କହିଛନ୍ତି। ଭୌଗୋଳିକ ଦୃଷ୍ଟି କୋଣରୁ ଓ ପାଲ କମିଶନଙ୍କ ରିପୋର୍ଟ ଆଧାରରେ କଳାହାଣ୍ଡି ଜିଲ୍ଲାରେ ହିଁ ବେଞ୍ଚ ପ୍ରତିଷ୍ଠା ହେବା କଥା ବୋଲି ସଂଘ ଯୁକ୍ତି ବାଢିଛି।
ତେବେ ଦୀର୍ଘ ଦିନ ଧରି ବିକ୍ଷୋଭ, ଆନ୍ଦୋଳନ ଚାଲିଥିଲେ ମଧ୍ୟ ଏନେଇ ସରକାର କ’ଣ ପଦକ୍ଷେପ ନେଉଛନ୍ତି ତାହା ସମୟ ହିଁ କହିବ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
