ଭବାନୀପାଟଣା: ଅଶ୍ଳୀଳ ଗୀତ ଗାଇ ସୋସିଆଲ ମିଡିଆରେ ପୋଷ୍ଟ କରି ଅଡୁଆରେ ଡୁଲେ ରାପର। କଳାହାଣ୍ଡି ଜିଲ୍ଲାର ବୋର୍ଡା ଗାଁରେ ରହୁଥିବା ଡୋଲେଶ୍ବର ତାଣ୍ଡି ଓରଫ ଡୁଲେ ରାପର ଅଶ୍ଳୀଳ ଗୀତ ଗାଇ ହରଡ଼ଘଣାରେ ।
କଳାହାଣ୍ଡିଆ ରାପ ଗୀତ ଗାଇ ଗତବର୍ଷ ଖପର ଘରର ରାପର ନାଁରେ ଚର୍ଚ୍ଚାରେ ଥିଲେ ଡୁଲେ ରାପର । ଏପରିକି ରାଜ୍ୟ ଓ ଦେଶର ବିଭିନ୍ନ ପ୍ରାନ୍ତରରୁ ବିଶିଷ୍ଟ ଗୀତିକାର ଶୁଭେଚ୍ଛା ଦେଇଥିଲେ । ଓଡିଶାର ବିଶିଷ୍ଟ ସଙ୍ଗୀତକାରଙ୍କ ଅନେକ ଗୀତରେ ସ୍ଥାନ ପାଇଥିଲେ । ଏଭଳି ସ୍ଥିତିରେ ମହିଳାଙ୍କୁ ଅଶ୍ଳୀଳ ଚିତ୍ରଣ କରି ରାପ ସଙ୍ଗ ଗାଇ ରେକଡିଂ କରି ସୋସିଆଲ ମିଡିଆରେ ପୋଷ୍ଟ କରିଥିଲେ । ଯାହାକି ଅତି ଘୃଣ୍ୟ କଦର୍ଯ୍ୟ ଓ ଶୁଣିବାକୁ ଉପଯୋଗୀ ନୁହଁ ତାକୁ ସେ ପୋଷ୍ଟ କରିଥିଲେ । ଏହାକୁ ଅନେକ ଲୋକ ଦେଖି ସାରିଥିଲେ ପରେ ଲୋକେ ପ୍ରବଳ ଉତ୍ତେଜନା ସୃଷ୍ଟି ହୋଇଥିଲା । ଏହାପରେ ସୋସିଆଲ ମିଡିଆ ଗ୍ରୁପରୁ ଡିଲିଟ ମଧ୍ୟ କରି ଦେଇଥିଲେ ।
ଏହାକୁ ନେଇ ଭବାନୀପାଟଣାର ମହିଳା, ବୁଦ୍ଧିଜୀବୀ ଓ କଳାକାର ସଂଘ ପକ୍ଷରୁ ତୀବ୍ର ନିନ୍ଦା କରି ଆଜି ଟାଉନ ଥାନାରେ ଏତଲା ଦେଇଛନ୍ତି । ତୁରନ୍ତ ଏଭଳି ଲୋକଙ୍କୁ ଗିରଫ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କିରଛନ୍ତି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
