ଭବାନୀପାଟଣା: ରାକ୍ଷୀ ବଜାରରେ କୋରୋନା ମାଡ । ଦୋକାନ ବନ୍ଦ ସହ ବେପାର ସଟଡାଉନ । କିନ୍ତୁ ପରମ୍ପରା ରକ୍ଷା ସହ ପର୍ବ ପାଳନ ହେବ । ଏଥିପାଇଁ ଚଳିତ ବର୍ଷ ବି କଟକଣାକୁ ନଜରରେ ରଖି ବଜାରରେ ମେଲିଛି ରାକ୍ଷୀର ପସରା । କଳାହାଣ୍ଡି ଜିଲ୍ଲାର ଭବାନୀପାଟଣା ସମେତ ବିଭିନ୍ନ ସହର ବଜାରରେ ଭଳିକି ଭଳି ରାକ୍ଷୀ ସଜା ହୋଇ ରହିଛି ହେଲେ କୋରୋନା ଭୟକୁ ନେଇ ପୂର୍ବ ପରି ଆଉ ଗ୍ରାହକଙ୍କ ଦେଖାନାହିଁ ।
ରାକ୍ଷୀ ବଜାରରେ କୋରୋନା ମାଡ଼
ବେପାର କରିବାକୁ ବ୍ୟବସାୟୀ ପ୍ରସ୍ତୁତ କିନ୍ତୁ ସତେଯେମିତି ଏଇ ନିଆରା ସମ୍ପର୍କର ପରମ୍ପରାରେ କୋରୋନାର କଳାଛିଟା ବେଡି ପକେଇ ଦେଇଛି । ସବୁ ବର୍ଷ ରାକ୍ଷୀ ପୂର୍ଣ୍ଣିମାରେ ଦୋକାନ ବଜାରରେ ପ୍ରବଳ ଭିଡ ଦେଖିବାକୁ ମିଳିଥାଏ ଏଥର କିନ୍ତୁ କୋରୋନା କଟକଣାରେ ପାଳନ ହେବ ରାକ୍ଷୀ ।
କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ
