ଭବାନୀପାଟଣା: କଳାହାଣ୍ଡି ଜିଲ୍ଲାରେ ସୁଧୁରୁନି ମଣ୍ଡି ବ୍ୟବସ୍ଥା, ଖରିଫ ପରେ ରବି ଋତୁରେ ମଧ୍ୟ ପିଛା ଛାଡୁନି ଚାଷୀଙ୍କ ସମସ୍ୟା । ବର୍ତ୍ତମାନ ମଧ୍ୟ ଜିଲ୍ଲାର ଅନେକ ମଣ୍ଡିରେ ଖୋଲା ଆକାଶ ତଳେ ପଡି ରହିଛି ହଜାର ହଜାର କ୍ବିଣ୍ଟାଲ ଧାନ। କିଛି ଦିନ ଧରି ଜିଲ୍ଲାରେ ଲାଗି ରହିଥିବା ମୌସୁମୀ ବର୍ଷା ଯୋଗୁଁ ଧାନ ଗଜା ହେବା ହୋଇଯାଇଥିବା ଦେଖିବାକୁ ମିଳିଛି ।
ମଣ୍ଡି ଅବ୍ୟବସ୍ଥାକୁ ନେଇ ଉପଜିଲ୍ଲାପାଳଙ୍କୁ କଂଗ୍ରେସର ଦାବିପତ୍ର
ଦୀର୍ଘ ଦିନ ଧରି ମଣ୍ଡିରେ ଧାନ ପଡି ରହୁଥିବା ଯୋଗୁଁ ନିର୍ଦ୍ଧାରିତ ସମୟରେ ଧାନ ଉଠିପାରୁନି । ଫଳରେ ଚାଷୀଙ୍କ ଟୋକନର ବୈଧତା ଶେଷ ହୋଇଯାଉଛି । ଧାନ କ୍ରୟ ସଂସ୍ଥା ଓ ମିଲର୍ସଙ୍କ ମନମୁଖୀ କାର୍ଯ୍ୟ ଯୋଗୁଁ ଚାଷୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ମଣ୍ଡି ଗୁଡିକରେ ଦେଖାଦେଇଥିବା ବିଭିନ୍ନ ସମସ୍ୟାର ସମାଧାନ ଦାବି ନେଇ ସୋମବାର ଜିଲ୍ଲା କଂଗ୍ରେସ ପକ୍ଷରୁ ଧର୍ମଗଡ଼ ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଉପ ଜିଲ୍ଲାପାଳଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛନ୍ତି ।
