ଭବାନୀପାଟଣା: ରାଜ୍ୟବାସୀଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ ବୋଲି ଘୋଷଣା କରିଛନ୍ତି ରାଜ୍ୟ ସରକାର । ଯେଉଁ ବ୍ୟକ୍ତି 3 ଥର ମାସ୍କ ନ ପିନ୍ଧି ଧରାପଡିବେ ସେମାନେ 200 ଟଙ୍କା ଫାଇନ ଦେବେ ଓ 3ରୁ ଅଧିକ ଥର ନିୟମ ଉଲ୍ଲଂଘନକାରୀଙ୍କୁ 500 ଟଙ୍କା ଫାଇନ ଚାର୍ଜ କରାଯିବ । ଏନେଇ କଳାହାଣ୍ଡି କାରଣ ସମାଜ ପକ୍ଷରୁ ସାପ୍ତାହିକ ହାଟରେ ଲୋକଙ୍କୁ ସଚେତନ କରାଯିବା ସହ ବଣ୍ଟାଯାଇଛି ମାଗଣା ମାସ୍କ ।
କୋଭିଡ-19 ଅଧିନିୟମ ଆଧାରରେ ରାଜ୍ୟରେ ମାସ୍କକୁ ବାଧ୍ୟତାମୂଳକ ବୋଲି ବିଜ୍ଞପ୍ତି ଜାରି କରାଯିବା ପରେ ବିଭିନ୍ନ ଜିଲ୍ଲାରେ ଏହି ନିୟମର କଡାକଡି ପାଳନ ଦେଖିବାକୁ ମିଳିଛି । କଳାହାଣ୍ଡି ଜିଲ୍ଲାବାସୀ ମଧ୍ୟ ଏହି ନିୟମକୁ କଡାକଡି ଭାବେ ପାଳନ କରୁଛନ୍ତି । ଭବାନୀପାଟଣା ସାପ୍ତାହିକ ହାଟରେ ଲୋକେ ସାମାଜିକ ଦୂରତା ବଜାୟ ରଖିବା ସହ ମାସ୍କର ବ୍ୟବହାର କରୁଥିବା ଦେଖିବାକୁ ମିଳୁଛି ।
ସେପଟେ କଳାହାଣ୍ଡି କାରଣ ସମାଜ ପକ୍ଷରୁ ସାପ୍ତାହିକ ହାଟରେ ଲୋକଙ୍କୁ ସଂକ୍ରମଣରୁ ବଞ୍ଚିବା ପାଇଁ ସଚେତନ କରାଯିବା ସହ ମାଗଣା ମାସ୍କ ବଣ୍ଟା ଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
