ଭବାନୀପାଟଣା: କଳାହାଣ୍ଡି ଜିଲ୍ଲାରେ ଅସହ୍ୟ ହେଉଛି ଜନନୀ ଯନ୍ତ୍ରଣା । ପୁଣି ଖଟିଆରେ ବୁହା ହୋଇଗଲେ ଗର୍ଭବତୀ । ଗାଁକୁ ରାସ୍ତା ନଥିବାରୁ ଅଧା ବାଟରେ ଅଟକି ରହିଲା ଆମ୍ବୁଲାନ୍ସ । ଉଚ୍ଛୁଳା ନଦୀରେ ଗର୍ଭବତୀଙ୍କୁ ଅସୁରକ୍ଷିତ ଭାବେ ଖଟିଆରେ ବୋହି ଆଣିଲେ ପରିବାର ଲୋକେ ।
ଜିଲ୍ଲାର ଲାଞ୍ଜିଗଡ ବ୍ଲକ ବଡପଡାର ଗାଁର ଲିଟୁ ହରିଜନଙ୍କ ସ୍ତ୍ରୀ ବାସନ୍ତି ହରିଜନଙ୍କ ପ୍ରସବ ବେଦନା ଯୋଗୁଁ ଗୁରୁତର ହୋଇପଡିଥିଲେ । ତାଙ୍କୁ ତୁରନ୍ତ ହସ୍ପିଟାଲ ନେବାକୁ 108 ଆମ୍ବୁଲାନ୍ସକୁ ଡକାଇଥିଲେ ପରିବାର ଲୋକେ । ଗାଁକୁ ରାସ୍ତା ସଂଯୋଗ କରୁଥିବା ବଂଶଧାରା ନଦୀରେ 3 ଫୁଟ ପାଣି ଆସୁଥିବାରୁ ବଡପଡାରେ ଆମ୍ବୁଲାନ୍ସ ଅଟକି ରହିଥିଲା । ଫଳରେ ବାଧ୍ୟହୋଇ ପରିବାର ଲୋକେ ବାସନ୍ତୀଙ୍କୁ ଖଟିଆରେ ବୋହି ଆଣି ଉଚ୍ଛୁଳା ନଦୀ ପାର କରାଇଥିଲେ ।
ଏହାପରେ ଆମ୍ବୁଲାନ୍ସ ଯୋଗେ ଲାଞ୍ଜିଗଡ ଡାକ୍ତରଖାନାକୁ ନିଆ ଯାଇଥିଲା । ସେପଟେ ବାରମ୍ବାର ଜିଲ୍ଲାରେ ଏଭଳି ଚିତ୍ର ସାମ୍ନାକୁ ଆସୁଥିଲେ ମଧ୍ୟ ନିଦାବିଷ୍ଣୁ ଆମ ଶାସନ କଳ ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
