କଳାହାଣ୍ଡି: ଝୁଲନ୍ତା ଅବସ୍ଥାରେ ଯୁବକର ମୃତଦେହ ଉଦ୍ଧାର । କଳାହାଣ୍ଡି ଜିଲ୍ଲା କୋକସରା ଥାନା ଅଞ୍ଚଳରୁ ମୃତଦେହ ଉଦ୍ଧାର କରିଛି ପୋଲିସ । ମୃତକ ଜଣକ ହେଲେ ହରିଜନ ସାହିର ଡମ୍ବରୁଧର ବାଗ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଶନିବାର ବିଳମ୍ବିତ ରାତିରେ ଘର ପାଖରେ ଥିବା ଏକ ନିମ୍ବ ଗଛରେ ଦଉଡି ଦେଇ ଡମ୍ବରୁଧର ଆତ୍ମହତ୍ୟା କରିଥିବା ସୂଚନା ମିଳିଛି । ସକାଳୁ ସକାଳୁ ସାହିବାସୀ ଝୁଲନ୍ତା ଅବସ୍ଥାରେ ମୃତଦେହ ଦେଖି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ତେବେ ଡମ୍ବୁରଧରଙ୍କ ଆତ୍ମହତ୍ୟାକୁ ନେଇ କୋକସରା ଥାନା ପୋଲିସ ଖୋଳତାଡ ଆରମ୍ଭ କରିଛି ।
କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ
