ଭବନୀପାଟଣା: ପୋଲିସ କର୍ମଚାରୀଙ୍କ ଉପରେ 5ଟି ଛାଟ । ଅଭିଯୋଗକାରୀଙ୍କୁ ସହଯୋଗ କରିବା ପରିବର୍ତ୍ତେ ସେମାନଙ୍କୁ ଖରାପ ବ୍ୟବହାର କରିବା ନେଇ ୪ଜଣ ପୋଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି ।
ଅଭିଯୋଗକାରୀଙ୍କୁ ଖରାପ ବ୍ୟବହାର କରି 4 ପୋଲିସ ନିଲମ୍ବିତ
ଲୋକଙ୍କୁ ସବୁ କ୍ଷେତ୍ରରେ ସୁବିଧା ଯୋଗାଇବା ପାଇଁ ସରକାରଙ୍କ ୫ଟି ଯୋଜନା ରହିଛି । ଯେଉଁଥିରେ ରାଜ୍ୟର ସମସ୍ତ ଥାନାକୁ ଅନ୍ତର୍ଭୃକ୍ତ କରାଯାଇଛି । କଳାହାଣ୍ଡି ଜିଲ୍ଲା ଏସପିଙ୍କ କାର୍ଯ୍ୟାଳୟରେ ଥିବା ମୋ ସରକାର କଲସେଣ୍ଟର ପକ୍ଷରୁ ଥାନାକୁ ଅଭିଯୋଗ ନେଇ ଆସିଥିବା ଲୋକଙ୍କୁ ପୋଲିସ ଷ୍ଟେସନରେ ଖରାପ ବ୍ୟବହାର ଓ ସହଯୋଗ କରାଯାଉ ନଥିବା ନେଇ ମତାମତ ସଂଗ୍ରହ ଯାଇଥିଲା । ଏନେଇ ଅଭିଯୋଗ ହେବା ପରେ ସଂପୃକ୍ତ 4 ପୋଲିସ ଅଧିକାରୀଙ୍କୁ ନିଲମ୍ବିତ କରିଛନ୍ତି କଳାହାଣ୍ଡି ଏସପି ଶ୍ରବଣ ବିବେକ ।
ନିଲମ୍ବିତ ୪ ଜଣ ପୋଲିସ ଅଧିକାରୀ ହେଲେ ଜୟପାଟଣା ଥାନାରେ କାର୍ଯରତ ପୋଲିସ ଏଏସଆଇ ସନ୍ତୋଷ ସାହୁ, କନେଷ୍ଟବଳ ସୂର୍ୟନାରାୟଣ ମିଶ୍ର, ହେମନ୍ତ ବାଗ ଓ OAPF ଯବାନ ଦେବରାଜ ନାଏକ ।
କଳାହାଣ୍ଡିରୁ ଅଜିତ କୁମାର ସିଂ,ଇଟିଭି ଭାରତ
