ଝାରସୁଗୁଡା: ପ୍ରତିଶ୍ରୃତି ରକ୍ଷା କଲେ ରାଜ୍ୟ ସରକାର । କୋରୋନାରେ ମୃତ୍ୟୁବରଣ କରିଥିବା କୋଭିଡ ଯୋଦ୍ଧାଙ୍କୁ ପ୍ରଦାନ କଲେ ଅନୁକମ୍ପା ରାଶି । ନିକଟରେ କୋରୋନାରେ ମୃତ୍ୟୁବରଣ କରିଥିବା ଝାରସୁଗୁଡା ମୁଖ୍ୟ ଚିକିତ୍ସାଳୟରେ ଆଟେଣ୍ଡାଣ୍ଟ ଭାବେ କାର୍ଯ୍ୟ କରୁଥିବା ଶରତ ଚନ୍ଦ୍ର ପୋଢ଼ଙ୍କୁ ଅନୁକମ୍ପା ରାଶି ପ୍ରଦାନ କରିଛନ୍ତି ରାଜ୍ୟ ସରକାର ।
ସୂଚନାଯୋଗ୍ୟ, ଝାରସୁଗୁଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ୩୦ ବର୍ଷ ଧରି ଆଟେଣ୍ଡାଣ୍ଟ ଭାବେ କାର୍ଯ୍ୟ କରୁଥିବା ଶରତ ଚନ୍ଦ୍ର ପୋଢ଼ କୋରୋନାରେ ଆକ୍ରାନ୍ତ ହୋଇ ଗତ ୨୭ ତାରିଖ ସେପ୍ଟେମ୍ବର ମାସରେ ତାଙ୍କର ମୃତ୍ୟୁ ହୋଇଥିଲା । ଆଜି(ଗୁରୁବାର) ରାଜ୍ୟ ସରକାର ନିଜ ପ୍ରତିଶୃତି ରକ୍ଷା କରି ଶରତ ଚନ୍ଦ୍ର ପୋଢ଼ଙ୍କ ସ୍ତ୍ରୀ ଗାୟତ୍ରୀ ପୋଢଙ୍କୁ ଅନୁକମ୍ପା ରାଶି ୫୦ ଲକ୍ଷ ଟଙ୍କା ପ୍ରଦାନ କରିଛନ୍ତି । ଝାରସୁଗୁଡା ସିଡିଏମଓ ଡ଼ା ଜଗଦୀଶ ଚନ୍ଦ୍ର ବାରିକ ଏହି ଅର୍ଥରାଶିକୁ ପ୍ରଦାନ କରିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
