ଝାରସୁଗୁଡ଼ା: ଜିଲ୍ଲାର ରେଳଷ୍ଟେସନରେ ଶୁକ୍ରବାର ଦେଖିବାକୁ ମିଳିଥିଲା ଏକ ଅଭାବନୀୟ ଘଟଣା । ରେଳଷ୍ଟେସନରୁ ସମଲେଶ୍ବରୀ ଏକ୍ସପ୍ରେସ ଧୀରେ ଧୀରେ ହାୱଡ଼ା ଅଭିମୁଖେ ଯାତ୍ରା କରୁଥିବା ସମୟରେ ଜଣେ ଘୁଘୁନି ବ୍ୟବସାୟୀ ଟ୍ରେନରୁ ଖସି ପଡିଥିଲେ । ଏହି ସମୟରେ ବ୍ୟବସାୟୀଙ୍କୁ ଉଦ୍ଧାର କରିଥିଲେ ସ୍ଥାନୀୟ ଲୋକ ଓ ଯାତ୍ରୀ ।
ଭିଡିଓ ସୌଜନ୍ୟ- ପ୍ରତିନିଧି, ଝାରସୁଗୁଡା
ଏ ସମସ୍ତ ଦୃଶ୍ୟ କଏଦ ହୋଇଥିଲା ସେଠାରେ ଲାଗିଥିବା ସିସିଟିଭି ଫୁଟେଜରେ । ଟ୍ରେନଟି ଷ୍ଟେସନ ଛାଡୁଥିବାବେଳେ ଜଣେ ଘୁଘୁନି ବ୍ୟବସାୟୀ ହଠାତ ଟ୍ରେନ ଭିତରକୁ ଯିବାକୁ ଉଦ୍ୟମ କରିଥିଲେ । ମାତ୍ର ସେହି ସମୟରେ ତାଙ୍କ ଗୋଡଟି ଖସି ଯାଇଥିଲା ।
ଏହାଦେଖି ସ୍ଥାନୀୟ ଲୋକ ଓ ଯାତ୍ରୀ ତାଙ୍କୁ ମରଣ ମୁହଁରୁ ବଞ୍ଚାଇଥିଲେ ।
ଝାରସୁଗୁଡାରୁ ରବିନାରାୟଣ ସାହୁ, ଇଟିଭି ଭାରତ
