ଝାରସୁଗୁଡ଼ା: ଜିଲ୍ଲାର ଲଇକେରା ଥାନା ଅନ୍ତର୍ଗତ ବାଗଡ଼ିହିରେ ସାମ୍ନାକୁ ଆସିଛି ଲୁଟ ଘଟଣା । ବୁଧବାର ବିଳମ୍ବିତ ରାତିରେ ଘରର ଝରକା ଭାଙ୍ଗି ୧୨ ଜଣ ଦୁର୍ବୃତ୍ତ ପଶି ଲୁଟିନେଇଛନ୍ତି ବହୁମୂଲ୍ୟ ସୂନାରୂପା ଅଳଙ୍କାର । ଏନେଇ ଥାନାରେ ଅଭିଯୋଗ କରିଛନ୍ତି ଲୁଟର ଶିକାର ହୋଇଥିବା ବ୍ୟକ୍ତି ଶ୍ୟାମଲାଲ ଅଗ୍ରୱାଲ ।
ସୂଚନାମୁତାବକ, ଦୁର୍ବୃତ୍ତ ମାନେ ଶ୍ୟାମଲାଲ ଅଗ୍ରୱାଲ ଓ ତାଙ୍କ ପତ୍ନୀଙ୍କୁ ବାନ୍ଧିଦେଇ ଘରେ ଥିବା ସମସ୍ତ ସୁନାଗହଣା ଲୁଟି ନେଇଥିଲେ । ଯାହାର ଆନୂମାନିକ ମୂଲ୍ୟ ୮ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ । ଅଭିଯୋଗ ପରେ ଘଟଣାସ୍ଥଳରେ ଝାରସୁଗୁଡା ଏସପି ଅଶ୍ବିନୀ ମହାନ୍ତି ସହ ଲଇକେରା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଗତବର୍ଷ ବାଗଡ଼ିହିରେ ଜଣେ ପେଟ୍ରୋଲ ପମ୍ପ ମାଲିକ ଓ ଅନ୍ୟ ଜଣେ ବ୍ୟବସାୟୀଙ୍କ ଘରୁ ମଧ୍ୟ ଡକାୟତି ହୋଇଥିଲା । ତେବେ ଉକ୍ତ ଘଟଣାରେ ସମସ୍ତ ଅଭିଯୁକ୍ତ ଧରାପଡିଥିବା ବେଳେ ବୁଧବାର ରାତିରେ ହୋଇଥିବା ଲୁଟର ଅଭିଯୁକ୍ତଙ୍କୁ ଖୁବଶୀଘ୍ର ଧରାଯିବ ବୋଲି କହିଛନ୍ତି ଝାରସୁଗୁଡା ଏସପି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
